Timo Sarpaneva

De Wikipedio
Irez ad: pilotado, serchez
Timo Sarpaneva
Ne havas libera imajo.svg
Profesiono: designisto
Lando: Flag of Finland.svg Finlando
Nasko-dio: 31 di oktobro 1926
Nasko-loko: Helsinki
Morto-dio: 6 di oktobro 2006
Morto-loko: mem urbo
?
?

Timo Sarpaneva (1926 til 2006) esis Finlandana designisto. Sarpaneva esas internacionale valorata fasonisto e profesoro. Il esas konocata maxim bone pro sua fasonado industriala.

Sarpaneva divenis grafikisto de Art-industriala lerneyo en 1948 e pos lo ilu laboris en Iittala-glasiferio kom chefa artisto. Lua unesma glaso-vari produktesis en 1952 por marketo. Internacionale ilu divenis konocata ganante Granda Prico en Milanoala Trienalo en 1954 pro lua kolekto di glaso-vari e en 1957 pro l'arkitekturo expozala e pro lua artala ed omnadiala glaso-vari.

L'artala glaso-vari da Sarpaneva facinis mem dum 1950a yari. Usana jurnalo House Beautiful nomizis Orkideo dal artisto kom la maxim bela varo en 1954.

La signo di Iittala-glasiferio naskis en 1956. La marko esas tre simpla: dika e blanka i-litero en reda rondo. La marko esas trovebla en omna produkturo di Iittala-glasiferio. Sarpaneva uzis ruda surfaco en multa lua produkturo, en drinkajo-glasi, en Festivo-kandeliero, en botelo di Finlandia-vodko, edc.

Sarpaneva uzis anke altra materiaji, exemple texuro, ligno, plastiko, porcelano, stalo e fero. La marmito da Sarpaneva esas duranta klasikajo en la Finlandana koqueyo. La glasaro da Sarpaneva selektesis por uzo en nova oficala lojeyo di la prezidanto di Finlando en 1992. Lua lasta 15 yari Sarpaneva kreis granda staturi artala ek glaso, quin on expozas en multa galerii.

Timo Sarpaneva esis premiario di Finlandia-medalio en 1958. Kom profesoro ilu nominizesis en 1976. En 1993 ilu esis grantita per premio dil Arto di Finlando. Ilu esis multafoye honorizita anke exter Finlando.