Tocantins (stato)

De Wikipedio
Irez ad: pilotado, serchez
Tocantins
Bandeira do Tocantins.svg Brasão do Tocantins.gif
Chef-urbo
lojanti (yaro)
Palmas
208.165 (2005)
Altra urbi Araguaína, Gurupi, Porto Nacional
Brazil State Tocantins.svg
Guverniestro José Wilson Siqueira Campos[1]
Surfaco 277 620,9 km²
Lojanti 1.383.453 (kontado 2010)[2]
Lojanto-denseso 4,98 loj/km²[2]
Oficala pagino http://www.portaldocidadao.to.gov.br/

Tocantins esas Braziliana stato. Ol esis un di maxim nova Braziliana stati. Lua chef-urbo, Palmas, esis fondita ye 1989.

Bazala fakti pri Tocantins.

Historio[redaktar | edit source]

Jezuiti exploris la regiono cirkum 1625, en sercho di indijeni por konvertar a kristanismo. Dum 1730a e 1740a yari on trovis oro en la regiono, qua esis parto di la kapitanio di Goiás. Kun la nedependeso di Brazilia, la regiono divenis parto di la provinco, e pos di la stato di Goiás.

Tocantins divenis Braziliana stato depos 5 di oktobro 1988, kun nuna Braziliana konstituco.

Geografio[redaktar | edit source]

Peizajo en statala parko di Jalapão, situita 250 km norde de Palmas.

La totala surfaco di Tocantins esas poke min granda kam Equador, e poke plu granda kam Burkina Faso e Nova-Zelando.

La stato havas 2 klimati: en nordo di paralelo 6° S la klimato esas equatorala, kun intensa pluvi sen sika sezono. En sudo di paralelo 6° S la klimato esas tropikala, kun sika sezono de mayo til septembro.

La vejetantaro konsistas ek Equatorala foresto al nordo di paralelo 6° S, ed en savano (nomita cerrado en Brazilia) al sudo di paralelo 6° S.

En sudo di stato jacas Bananal insulo, kun cirkum 19.000 km² di totala surfaco, en Araguaia rivero, la maxim granda fluviala insulo dil mondo. Parto di lua surfaco - 5.577 km² - esas protektata en un nacionala parko, e parto esas protektata en indijena rezerveyi. On ne existas ponti ke unionas l'insulo kun la du bordi di Araguaia, ed on nur povas arivar en l'insulo da batelo.

Ekonomio[redaktar | edit source]

L'ekonomio di Tocantins dependas forte de kreado di boviari, ma agrokultivo di soyo ed ananaso anke esas importanta. Soyo responsas por 89% di l'exportacaji dil stato.

Lua precipua industrio esas la trasnformo di agrokultivala produkti, e jacas precipue en la maxim granda urbi, kom Palmas, Araguaína, Gurupi, Porto Nacional e Paraíso do Tocantins. La precipua aktivesi di komerco e servadi jacas en Palmas ed en altra urbi situita en la marjino di BR-153 voyo, qua krucumas la stato de norto til sudo, ed en urbi situita en la marjino di BR-226 voyo, qua unionas la stato kun Rio Grande do Norte.

Graduale augmentas turismo en stato, specale en la regiono di Jalapão, kun lua diferenta peizaji.

Referi[redaktar | edit source]

  1. Siqueira Campos é empossado governador de Tocantins pela quarta vez - 01.01.2011 - Valor Online (en Portugalana)
  2. 2.0 2.1 Estados@ www.ibge.gov.br