Ukrainia

Україна Flago di Ukrainia Blazono di Ukrainia Chefurbo: Kyiv ·Lojanti: 2.660.401 (2005) Precipua urbo: Kyiv Oficala linguo: Ukrainiana Guvernerio: Republiko ·Prezidisto: Viktor Yanukovich ·Chefa ministro: Mykola Azarov Surfaco: (44ma granda) ·Totala: 603.628 km² ·% aquo: 7 Lojanti: (28ma granda) ·Totala: 45.888.000 (2010) ·Lojanto-denseso: 77 loj./km² Nacionala himno: Shche ne vmerla Ukrayiny i slava i volya Pekunio: Hryvnia Reto-kodo: .ua Precipua religio: ortodoxa kristanismo

Ukrainia esas lando en est-Europa inter Rusia, Bielorusia, Polonia, Slovakia, e Rumania.

Bazala fakti pri Ukrainia.

Historio

Anciena Greki fondis kolonii en Nigra Maro, en regiono qua partoprenas a nuna Ukrainia, dum la 6ma yarcento aK. Pos arivis Romani e Bizantini. Dum la 3ma yarcento, Goti establisis su en la westo di nuna Ukrainia.

Dum la 7ma yarcento Bulgari okupis la regiono, e pos arivis Khazari, un populo kun origino en Centrala Azia. Cirkum la yaro 800 Khazari adoptis judaismo kom religio.

Ye 882 la regiono esis konquestita da Varangiani, un populo kun vikinga origino. Ta populo fondis la rejio nune konocata kom Kyiva Rusia. Ye la 11ma yarcento Kyiva Rusia esis la maxim granda stato di centrala Europa, e divenis konocita kom Rutenia (de rus). La nomo "Ukrainia" (qua signifikas "nasko-lando") aparis unesmafoye dum la 12ma yarcento.

Mongolia atakis e spoliis Kyiv ye 1240. Ye 1569 granda parto di la teritorio divenis parto di Polonia-Lituania komuneso. Kande Poloniana teritorio esis dividita ye 1772, 1793 ed 1795 la westo di la regiono divenis kontrolita da Austriana Imperio, e l'esto da Rusiana Imperio.

Proxim la fino di Unesma mondo-milito, inter 1917 e 1918, diversa regioni di nuna Ukrainia deklaris su nedependanta, ma ye 1921 tota la teritorio divenis la Socialista Sovieta Republiko di Ukrainia, parto di Soviet-Uniono.

Ukrainia deklaris nedependeso de Soviet-Uniono ye 24 di agosto 1991.

Politiko

Ukrainia esas parlamentala republiko. La prezidisto esas la chefo di stato, elektita da populo por 5-yara periodo.

Parlamento (Verkhovna Rada) havas 1 chambro kun 450 membri.

Geografio

Kun 623,638 km² Ukrainia esas la duesma granda lando di Europa, pos Europana teritorio di Rusia. Ol esas la 44ma granda lando dil mondo. Granda parto di lua tereni esas basa, e la precipua fluvio esas Dniepr. En sudo, Danubio formacas naturala frontiero kun Rumania. L'unika montaro di lando esas Karpati, e Hora Hoverla, kun 2,601 metri di altitudo esas lua maxim alta punto.

Ekonomio

Videz anke: Ekonomio di Ukrainia.

Demografio

La maxim granda urbo esas la chefurbo, Kyiv, kun plu kam 2 milioni lojanti. Altra importanta urbo esas Kharkov (1.461.000 lojanti ye 2007).