Uniono por la Linguo Internaciona Ido
Uniono por la Linguo Internaciona Ido (ULI), esas l'oficiala organizuro dil Ido-movado. Establisata en München (Germania).
Indexo |
Skopo [redaktar]
La §1 di la nuna ULI-statuto definas la skopo di l' asociuro tale:
L'Uniono por la Linguo Internaciona havas la skopo a unionar en komun agado omna personi, qui aprobas la linguo internaciona Ido, quale ol esas definita per la deklaro dil Delegitaro por Adopto di Linguo Helpanta Internaciona e quale ol rezultis e rezultos de la labori dil Komitato di ULI; b. adoptar, propagar e developar ta linguo segun omna posibla e praktikal moyeni.
Do la chefa funcioni esas di la ULI esas la propagado di la linguo, l'organizado di yarala konferi en qua Idisti kunvenas, e la publikado di la revuo Progreso, komencata en la yaro 1908 da Louis Couturat, unu dil fondisti dil movado.
Membreso [redaktar]
Omna natural o yural persono, qua aprobas la linguo dil Uniono e helpas l' Uniono realigar lua skopi, povas divenar membro sive per direta adhero sive per mediaco di altra organizuro aprobita da Uniono. Til nun membri di la nacionala Ido-asociuri ne esas automatikale membri en l' ULI.
Sideyo [redaktar]
Segun §2 di la nuna statuto la sideyo di l' ULI esas l' urbo en qua la sekretario di la Direktanta Komitato lojas. Depos la yaro 2012 la sideyo di l' ULI esas München (Germania).
Organi [redaktar]
L'Uniono por la Linguo Internaciona Ido havas la sequanta organi:
- La Direktanta Komitato
- La Linguala Komitato
- La nacionala reprezenteri
La Direktanta Komitato [redaktar]
La Direktanta Komitato administras l' Uniono e reprezentas ol oficale en omna aferi. La prezidero e la sekretario signatas vice l' Uniono. La Komitato konsistas ek admaxime 15 membri. Ol elektesas omna quaresma yaro. La kandidati propozesas dal sekretario pos interkonkordo kun la cetera komitatani. La Komitato elektesas dal ensemblo dil Unionani .
La nuna Direktanta Komitato (elektita ye la fino di la yaro 2011)
- Prezidanto : Anvarzhon Zhurajev (Hispania/Estonia)
- Vice-prezidanto : Steve Walesch (Luxemburgia)
- Sekretario: d-ro Thomas Schmidt (Germania)
- Vice-sekretario : Loïc Landais (Francia)
- Kasero : Marion Kasper (Germania)
- Sekretario por linguala questioni: Tiberio Madonna (Italia)
- Membri sen ofico : Donald Gasper (Chinia)
- Jean Martignon (Francia)
- Eberhard Scholz (Germania)
- Hans Stuifbergen (Nederlando)
- Honoruma prezidanto: Günter Anton (Germania)
- Honoruma membro dil DK: Franz Regnier (Belgia)
La Linguala Komitato [redaktar]
La Linguala Komitato facas propozi a la Direktanta Komitato en linguala questioni. Exemple la Linguala Komitato propozas l' adopto ed oficaligo di nova vorti a la Direktanta Komitato.
La nacionala reprezenteri [redaktar]
La landala reprezenteri nominesas dal Komitato pos interkonsento kun la rispektiva landala federuro. Li reprezentas oficale l' Uniono en lia lando.
