Wilhelm Ostwald
| Friedrich Wilhelm Ostwald | |||
|---|---|---|---|
 |
|||
| Profesiono: | kemiisto | ||
| Lando: |  Germania |
||
| Nasko-dio: | 2 di septembro 1853 | ||
| Nasko-loko: | Riga, Latvia | ||
| Morto-dio: | 4 di aprilo 1932 | ||
| Morto-loko: | Leipzig, Saxonia, Germania | ||
Friedrich Wilhelm Ostwald (Vilhelms Ostvalds), (1853 til 1932) esis Germana kemiisto e filozofo quo ganis Nobel-premio ye 1909 pro lua studii pri katalizo.
Ye 1907 il prezidis la kunsido di komitato qua havis la tasko selektar la maxim apta helpolinguo por internaciona komunikado. La komitato rekomendis multa revizi al Esperanto, ed ta rekomendi duktis a developo di Ido. Pose Ostwald esis i.a. honorumala prezidinto di Ido-Akademio.
Ostwald konsideresas kom la patro di fizikala kemio. Il laboris pri katalizo, kemiala equilibro, rapideso di kemiala reakti ed inventis Ostwald-procedo.
Biografio [redaktar]
Naskis la 2ma di septembro 1853 en Riga, quale filiulo di la kuvifisto G. W. Ostwald. Il ricevis l’unesma instruktado en la Kronsknabenschule, pose il lernis de 1864 til 1872 en la urbana Realgymnasium. Esas interesante ke ja en ta periodo di sa vivo Ostwald komencis editar “jurnalo”, manue skribita por sa kamaradi. Il ipsa facis la texto e la figuri, e ta okupo havis balde la konsequo, ke la preskriptata tempo di la gimnazio longijis de kin yari a sep. En 1872 Ostwald komencis studiar en la universitato Dorpat la kemio, contra la deziro di lua patro, qui volis facar ingenioro ek il. Lor il avancis rapidi en lua studii. Du trioni de l’exameni preskriptata prenis preske tri yari; sed lasta triono esis facista según pario en nun un onato. En 1875 Ostwald ricevis l’ekmatrikulizuro di l’universitato. En ta yaro aparis la kandidatala verko di la futura maestro di la kemio: “Pri l'efiko di la maso di l’aquo”. En 1875 Ostwald divenis asistento che la konocata fizikisto Prof. de Oettingen. En rápida sequo Ostwald publikigis lua konocata e klasika studii pri la kemiala volumeno e la kemiala optiko. Ostwald uzis oli en 1871 por lua magistrala tezi e ye la 20ma di decembro 1878 por ricevar la doktoral promoco. Nun Ostwald komencis lua universitatala kariero quale privatdocento kun kurso pri la “kemiala afineso”, ed il divenis en la sama yaro asistento che la tre konocata kemiisto Sioro Prof. Carl Schmidt en Dorpat. Ja du yari pose (1881) Ostwald ricevis la profesoreso di kemio en la Politekniko en Riga, ube il restis dum sis yari; pose il obtenis en 1877 la profesoreso di fizikala kemio en Leipzig, ube il fondis l’unesma famosa laboreyo di fizikokemio, ed ube il formacis lua famosa skolo kun tanta dicipuli ek omna landi di la mondo.
Citaji [redaktar]
 |
Disipez nula energio, profitez ol! |  |
Extera ligili [redaktar]
- L'agado di profesoro Wilhelm Ostwald por la linguo internaciona Ido da Günter Anton
- Wilhelm Ostwald pri mondlinguo
- Mashini ed Organismi
