William Boyce

De Wikipedio
Irez ad: pilotado, serchez
William Boyce
Boyce2.png
Profesiono: kompozisto
Lando: Flag of the United Kingdom.svg Unionita Rejio
Nasko-dio: 1711
Nasko-loko: London, Anglia
Morto-dio: 7 di februaro 1779
Morto-loko: London, Anglia

William Boyce (1711 til 1779) esis Britaniana kompozisto.

En Anglia dum la mez-18ma yarcento, kande Georg Friedrich Händel esis maxim eminenta kompozisto, Boyce anke esis notenda.

Dum yuneso il esis membro di la koro ye la katedralo di St Paul en London; il pose esis orgenisto di diversa kirki en London, e kompozisto por la Rejala Kapelo. En 1755 il nominesis kom maestro di la muzik-trupo di la rejo.

Il kompozis multa ekleziala muziko, e muziko por rejala okazioni.

Nuntempe il esas maxim konocata pro lua ok simfonii, qui aparis kom kolektajo en 1760. Oli omne esas kurta, segun la kustumo di la tempo; singla simfonio havas dureso min kam dek minuti. Multo de la muziko prenesis da la kompozisto de sua plu frua peci skribita kom rejala odi, o por teatro.