Wolfgang Amadeus Mozart

De Wikipedio
Irez ad: pilotado, serchez
Wolfgang Amadeus Mozart
Mozart drawing by Doris Stock 1789.jpg
Profesiono: kompozisto
Lando: Flag of Austria.svg Austria
Nasko-dio: 27 di januaro 1756
Nasko-loko: Salzburg, Austria
Morto-dio: 5 di decembro 1791
Morto-loko: Wien, Austria

Johannes Chrysostomus Wolfgangus Theophilus Mozart, plu bona konocata kom Wolfgang Amadeus Mozart (27 di januaro 1756 en Salzburg til 5 di decembro 1791 en Wien) esis muzikala kompozisto kun lejera potento, note la ton-sistemo di si majora bemolo. Ye l'evo di 5 yari, il kompozis sua unesma verko.

De Cosi fan tutte ad duesma movimento di koncerto-peco por piano n°21, de lua grava Requiem a sonati preske alerta Mozart repertorio esas maxim diversa.

Kordeto-Quarteti[redaktar | edit source]

En septembro 1785 en Wien, ilua kolektajo de sis kordeto-quarteti unesmafoye aparis; oli havis dediko a lua plu olda kolego Joseph Haydn. Mozart ne kompozabis kordeto-quarteti depos sua yuneso. La sis quarteti op. 33 da Haydn aparis en 1781 (la yaro di la arivo di Mozart en Wien); oli esis multe estimata da Mozart, ed inspiris ilua kompozado. Pos privata pleado di la nova quarteti da Mozart en februaro 1785, Haydn dicis a Leopold Mozart, patro di la kompozisto, "Koram Deo, e kom honesta homo, me dicas a vu ke vua filiulo esas la maxim granda kompozisto di mea konoco, o personale o nomale." Ca grupo di quarteti balde divenis famoza.

La familio di Mozart[redaktar | edit source]

Constanze Mozart, cirkume 1783

Ye 4 di agosto 1782 en Wien, il mariajesis a Constanze Weber. Elua patro esis muzikisto, ed ula kuzulo esis la kompozisto Carl Maria von Weber.

Esis sis genituri di Wofgang e Constanze, di qui nur du posvivis infanteso. Pos la morto di Wolfgang en 1791, Constanze, qua havis multa debaji, entraprezis aranjar memorigala koncerti, editar kompozuri di sua spozulo, ed obtenar pensiono, quo produktis financala sekureso. En 1809 el mariajesis a Dana diplomacisto Georg Nikolaus von Nissen, e dum plura yari li rezidis en København; de 1824 li rezidis en Salzburg. En 1828 el editis biografio di Mozart; el mortis en 1842.

La Requiem[redaktar | edit source]

Mozart esis komisata da komto Franz Walsegg-Stuppach (1763-1827) skribar ca verko, kom memorigilo a la spozino di la komto qua mortabis en februaro 1791. La komto prizis donar muzikala okazioni ye sua domo, ye qui il pretextis ke la kompozuri di altri esis sua kompozuri; il probable deziris agar simile pri la Requiem. Agento di la komto vizitis Mozart, supozeble anonine, por donar la komiso; ta evento esis origino di la legendo di fantoma kuriero kun misterioza komiso.

Requiem: la unesma pagino kun titulo; autografo di Mozart

La verko esis ne kompleta ye la morto di Mozart. Ilua vidvino Constanze, anxioza pri la recevo di la restanta pago por la kompozuro, demandis a plura muzikisti kompletigar la verko. Franz Xaver Süssmayr, studento di Mozart ed anke ilua sekretario dum la last yaro, fine aceptis facar la kompletigo. Kelka movimenti esis ja preske kompleta; altra movimenti postulis multa kompozado di Süssmayr. En 1792, il livris sua kompleta versiono di la Requiem a komto Franz Walsegg-Stuppach.