2011
De Wikipedio
| Yarcenti: | 20ma yarcento · 21ma yarcento · 22ma yarcento |
| Yardeki: | 1990a yari 2000a yari 2010a yari 2020a yari 2030a yari |
| Yari: | 2009 2010 2011 2012 2013 |
Indexo
Eventi[redaktar | edit source]
Januaro[redaktar | edit source]
- 1 di januaro - Estonia adoptas Euro kom monetaro.
- 1 di januaro - Dilma Rousseff asumas kom unesma prezidantino di Brazilia.
- januaro - Australia: kontinuas la sezono di inundadi en Nova Suda Wals e Queensland. Til 5 di januaro la du stati ja sufris miliardi di dolari en perdaji, plu kam 40 urbi e plu kam 200 mil personi afektesis severe, 4 mil personi perdis lia domi, e l'exportacajo di Australiana karbono e la produktado di kotono afektesis forte[1][2][3].
- Januaro - Brazilia: kontinuas l'intensa pluvi en Sud-estala regiono. La stati di Sao Paulo e Rio de Janeiro esas severe afektata. En Sao Paulo, l'urbi di Sao Paulo, Franco da Rocha, Mauá, Osasco e Guarulhos sufras kun inundadi en stradi en basa distrikti. En Mauá, til 12 di januaro 5 personi mortis da terkruladi[4]. En la montala regiono dil stato di Rio de Janeiro til 15 di februaro plu kam 900 korpi ja trovesis da salveso-esquadi[5]. En Santa Catarina 52 urbi anke sufras l'efekti dil inundadi, kun 5 morti, plu kam 1700 personi perdis lia domi e plu kam 15.000 personi jacas sen shirmilo til 24 di januaro[6]. Altra urbi mar-fora en Sao Paulo ed 80 urbi en Minas Gerais anke sufras kun inundadi, krulo di domi e terkruladi.
| Videz anke: Inundadi e terglitadi en Rio de Janeiro ye januaro 2011. |
- januaro - Azia: En Sri Lanka inundadi afektas plu kam 1 milion personi[7] e produktas, til 12 di januaro, 18 morti[8]. La precipua regiono afektata esas Batticaloa. En Filipini til 13 di januaro plu kam 1,3 milioni di personi ja esis afektita, e 42 personi mortis[9].
- januaro - Afrika: Inundadi eventas en Sudafrika, Mozambik, Zimbabwe, Namibia, Botswana, Zambia e Malawi. Plu kam 100 personi mortis til 24 di januaro[10]. En Zimbabwe ol esas la maxim intensa pluvi en 30 yari. La pluvi komencis en decembro 2010.
- 4 di januaro - En Tunizia komercisto Mohamed Bouazizi mortas pos brular su un monato ante, en protesto kontre Tuniziana guvernerio. Ta esas la komenco di Tuniziana revoluciono, ed anke di plusa revolti qui entote divenos konocita kom Araba Printempo.
- 8 di januaro - Usana deputatino Gabrielle Giffords recevas pafo en lua kapo kande vizitis elekteri en Tucson, Arizona. Altra 19 personi pafesis, e 6 mortigesis.[11]
- 9 til 15 di januaro - Habitanti de Sud-Sudan decidas per referovoto favorebla a lua nedependo de Sudan.
- 14 di januaro - En Tunizia prezidanto Zine El Abidine Ben Ali abandonas povo kom rezulto di populala presado[12] ed abandonas lando vers Saudi-Arabia[13]. Fouad Mebazaa, prezidanto dil parlamento, asumas provizore kom chefo di stato en 15 di januaro[14].
- 14 di januaro - Samir Rifai, chefministro di Jordania, renuncas kom rezulto di intensa populala protesti.
- 24 di januaro - Rusia: Atako kun bombo da suocidinta terorigero en l'aeroportuo di Moskva produktas 35 personi mortinta e 43 vundita.
- 28 di januaro - Pos intensa populala protesti en la stradi di Kairo, Alexandria e Suez qua livis cirkum 50 morti, Egiptiana prezidanto Hosni Mubarak anuncas chanji en lia guvernerio. Tamen, il ne anuncas lia abdiko, demandita dal opozantaro.
- 29 di januaro - Volkano Shinmoedake lansas cindri en atmosfero, qua kovras l'urbo di Takaharu, en Japonia.
Februaro[redaktar | edit source]
- 11 di februaro - Pos intensa populala protesti, Hosni Mubarak renuncas a la prezidanteso di Egiptia.
- 14 di februaro - Komencas protesti en Bahrain por politikala libereso e respekto di homala yuri[15]. Malgre la protesti komencas pacifike, en 17 di februaro la polico mortigas 3 demonstreri. La protesti kreskos la sequanta dii.
- 15 di februaro - On komencas protesti en Libia kontre la diktatoreso di Muammar al-Qaddafi, en povo de 1969. Ta dio, 500 til 600 personi protestas en Benghazi. La sequanta dii okuros protesti en altra urbi.
- 22 di februaro - Forta ter-tremo atingas Christchurch, Nova-Zelando, kauzas granda destrukto e produktas plu kam 70 morti.
- 26 til 28 di februaro - Kontinuas la protesti en Oman por demokratio e plua laboraji. La 28ma di februaro protesteri spolias ed incendias supermerkato en Sohar.
Marto[redaktar | edit source]
- 7 di marto - Libian aer-armeo atakas rebela pozesi en Ra's Lanuf, urbo kaptita da rebeli en 4 di marto.
- 11 di marto - Ter-tremo kun forteso 9.1 che Richter-skalo frapas Japonia, specale la provinci di Iwate, Miyagi e Fukushima, e provokas granda ondego. Til 16 di marto l'oficala nombro di morti atingis 3.771 ma la nombro di personi desaparigita kontinuas proxim 12.000 personi[16]. En sequanta dii, eventas plusa ter-tremi qui difikultas la salvo di viktimi. Pose konstatesos ke 4 nukleala reaktori en Fukushima likis radioaktiva materii qui kontaminis vicina regioni.
- 15 di marto - Araba Printempo: rejulo Hamad bin Isa Al Khalifa deklaras tri monati di krizo-stanto en Bahrain e sendas trupi por kontrolar civil agiteso.[17]
Aprilo[redaktar | edit source]
- 7 di aprilo - Ter-tremo kun forteso 7.1 che Richter-skalo frapas Japonia. Sama dio, altra ter-tremo kun 6.5 che Richter-skalo frapas Mexikia.
- 11 di aprilo - Laurent Gbagbo, ex-prezidanto di Ivora Rivo esas arestita en lia domo en Abidjan da suporteri di elektita prezidanto Alassane Ouattara. Krizo en Ivora Rivo finas.
- 29 di aprilo - Princo William, Duko di Cambridge mariajas Catherine Middleton en Westminster-abadeyo, London.
Mayo[redaktar | edit source]
- 1 di mayo - Papo Iohannes Paulus 2ma esas beatifikata en Vatikano.
- 2 di mayo - Usana soldati de elito-trupi Seals pafas e mortigas Osama bin Laden en Pakistan.
- 5 di mayo - En Brazilia, supra federala tribunalo agnoskas mariajo inter personi di sama sexuo.
- 15 di mayo - Paraguay kompletigas du yarcenti di nedependo.
Junio[redaktar | edit source]
- 4 di junio - Volkano Puyehue eruptas, e provokas kaozo en aeroportui di Sud-Amerika, Australia e Nova-Zelando.
- 12 di junio - Araba Printempo: mili di Siriani fugas vers Turkia, pos Siriana trupi siejar l'urbo di Jisr al-Shughur, en la frontiero inter la du landi.
Julio[redaktar | edit source]
- 1 di julio - Referendo en Maroko pri la diminuturo di povo dil rejo ed augmento di povo dil chefministro, e pri religiala libereso por la populo recevas yes de la majoritato di la populo[18].
- 9 di julio - Pos referendo en januaro, Sud-Sudan divenas nedepentanta de Sudan.
- 19 di julio - Prezidanto Alpha Condé de Guinea transvivas atako kontre lia vivo exekutita da rebeli, qua atakis lia domo kun forta armi.[19]
- 22 di julio - Teroriganto mortigas adminime 91 personi en Oslo, Norvegia.
Agosto[redaktar | edit source]
- 5 di agosto - NASA anoncas ke posible existas liquida aquo sur Marso dum varma sezoni.
- 20 til 28 di agosto - Batalio en Libia por okupar Tripoli, dum la rebeleso kontre la guvernerio di Muammar al-Qaddafi. Rebeli fine prendas la kontrolo di la chef-urbo di lando[20].
Septembro[redaktar | edit source]
- 5 di septembro - India e Bangladesh signatas pakto pri lua frontieri, e 40-yara disputo finas.[21]
Oktobro[redaktar | edit source]
- 13 til 30 di oktobro - eventas la 16ma Tot-Amerikala Ludi en Guadalajara, Mexikia.
- 20 di oktobro - Rebeli kaptas e mortigas Muammar al-Qaddafi proxim lia naskourbo, Sirte.
- 27 di oktobro - Ter-tremo kun forteso 7.2 che Richter-skalo frapas l'esto di Turkia proxim l'urbo Van. Ol produktas 604 morti e 2,200 edifici avariesas.
- 31 di oktobro - UNESCO agregas Palestina kom membro, kun 107 voti favorebla e 14 kontra.
- 31 di oktobro - Segun Unionita Nacioni en ta dio la populo di Tero atingis 7 miliardi di personi.
- 31 di oktobro - Populala Republiko di Chinia lansas spaconavo Shenzhou 8, qua unionas kun spaconavo Tiangong 1 en 3 di novembro sam yaro[22].
Novembro[redaktar | edit source]
- 1 di novembro - Pos akordo kun Europana Uniono pri la debo-krizo di Grekia, chefministro Georgios Andreas Papandreou kunvokas referendo pri l'admisebleso o no di l'ekonomiala mezuri demandita da EU.
- 26 di novembro - Usa lansas robota spaconavo Curiosity por explorar Marso.
Decembro[redaktar | edit source]
- 15 di decembro - Usa formale deklaras ke Irak-milito finis.
- 15 di decembro - Silvio Berlusconi demisionas su de l'ofico di chefministro di Italia.
- 16 di decembro - Tropikala tempesto Washi produktas 1,268 morti en Filipini.
- 17 di decembro - Kim Jong-il, chefo di Nord-Korea, mortas. Lia filiulo Kim Jong-un formale asumas povo ed konfirmesas kom supra chefo di lando la 29ma di decembro sam yaro.
Naski[redaktar | edit source]
Morti[redaktar | edit source]
- 26 di januaro - Tore Sjöstrand, Suedian Olimpial atleto (n. 1921)
- 6 di februaro - Josefa Iloilovatu Uluivuda, prezidanto di Fidji (n. 1920)
- 11 di februaro - Bo Carpelan, Finlandana skriptisto (n. 1926)
- 27 di februaro - Necmettin Erbakan, chefministro di Turkia (n. 1926)
- 27 di februaro - Moacyr Scliar, Braziliana skriptisto (n. 1937)
- 2 di marto - Allan Louisy, chefministro di Santa Lucia (n. 1916)
- 23 di marto - Elizabeth Taylor, Britanian aktorino (n. 1932)
- 5 di aprilo - Ange-Félix Patassé, prezidanto di Centrafrika (n. 1937)
- 5 di aprilo - Baruch Samuel Blumberg, Usana mediko, Nobel-laureato (n. 1925)
- 14 di aprilo - William Lipscomb, Usana kemiisto, Nobel-laureato (n. 1919)
- 30 di aprilo - Ernesto Sabato, Arjentiniana skriptisto (n. 1911)
- 2 di mayo - Osama bin Laden, Araba teroriganto (n. 1957)
- 7 di mayo - Willard Boyle, Kanadana fizikisto, Nobel-laureato (n. 1924)
- 9 di mayo - Lidia Gueiler Tejada, prezidantino di Bolivia (n. 1921)
- 19 di mayo - Garret FitzGerald, chefministro (Taoiseach) di Republiko di Irlando (n. 1926)
- 27 di mayo - Jeff Conaway, Usan aktoro (n. 1950)
- 29 di mayo - Ferenc Mádl, prezidanto di Hungaria (n. 1931)
- 30 di mayo - Rosalyn Sussman Yalow, Usana mediko e biokemiisto, Nobel-laureato (n. 1921)
- 18 di junio - Frederick Chiluba, prezidanto di Zambia (n. 1943)
- 23 di junio - Peter Falk, Usan aktoro (n. 1927)
- 2 di julio - Itamar Franco, prezidanto di Brazilia (n. 1930)
- 17 di julio - Juan María Bordaberry, prezidanto di Uruguay (n. 1928)
- 23 di julio - Amy Winehouse, Britaniana kantistino (n. 1983)
- 23 di julio - Nguyen Cao Ky, prezidanto di Vietnam (n. 1930)
- 30 di julio - Mario Echandi Jiménez, prezidanto di Kosta Rika (n. 1915)
- 2 di agosto - Baruj Benacerraf, Venezuelan-Usana biologiisto, Nobel-laureato (n. 1920)
- 7 di agosto - Harri Holkeri, chefministro di Finlando (n. 1937)
- 14 di agosto - Paul Alfred Reeves, generala-guberniestro di Nova-Zelando (n. 1932)
- 16 di agosto - Andrej Bajuk, chefministro di Slovenia (n. 1943)
- 14 di septembro - Rudolf Mössbauer, Germana fizikisto, Nobel-laureato (n. 1929)
- 19 di septembro - George Cadle Price, chefministro di Belize (n. 1919)
- 20 di septembro - Burhanuddin Rabbani, prezidanto di Afganistan (n. 1940)
- 22 di septembro - Aristides Pereira, prezidanto di Kabo Verda (n. 1923)
- 25 di septembro - Wangari Maathai, Keniana politikal aktivisto, Nobel-laureato (n. 1940)
- 30 di septembro - Ralph Marvin Steinman, Kanadan imunologiisto, Nobel-laureato (n. 1943)
- 5 di oktobro - Steve Jobs, fondinto di Apple Inc. (n. 1955)
- 7 di oktobro - Ramiz Alia, prezidanto di Albania (n. 1925)
- 20 di oktobro - Muammar al-Qaddafi, chefo di Libia (n. 1942)
- 23 di oktobro - Herbert A. Hauptman, Usana matematikisto, Nobel-laureato pri kemio (n. 1917)
- 4 di novembro - Norman Foster Ramsey, Usana fizikisto, Nobel-laureato (n. 1916)
- 7 di novembro - Joe Frasier, Usana boxisto (n. 1944)
- 9 di novembro - Har Gobind Khorana, Indian-Usana biokemiisto, Nobel-laureato (n. 1922)
- 28 di novembro - Ante Marković, chefministro di Yugoslavia (n. 1924)
- 1 di decembro - Christa Wolf, Germana novelisto e kritikisto di literaturo (n. 1929)
- 17 di decembro - Cesária Évora, Kaboverdana kantistino (n. 1941)
- 17 di decembro - Kim Jong-il, diktatoro di Nord-Korea (n. 1941)
- 18 di decembro - Václav Havel, skriptisto di teatro e prezidanto di Chekoslovakia (m. 1936)
Nobel-premiiziti[redaktar | edit source]
- Fiziko: Saul Perlmutter, Brian P. Schmidt, Adam Guy Riess
- Kemio: Daniel Shechtman
- Fiziologio o Medicino: Bruce Alan Beutler, Jules A. Hoffmann, Ralph Marvin Steinman
- Literaturo: Tomas Tranströmer
- Paco: Ellen Johnson Sirleaf, Leymah Gbowee, Tawakkul Karman
- Ekonomiko: Thomas John Sargent e Christopher Albert Sims
Referi[redaktar | edit source]
- ↑ Aumenta número de cidades atingidas por enchentes na Austrália
- ↑ Austrália declara estado de emergência em 45 comunidades por inundações
- ↑ Efeitos de enchentes na Austrália podem durar semanas; 200 mil já foram atingidos
- ↑ Moradores de Mauá (SP) se recusam a deixar casas interditadas após chuva - folha.com
- ↑ "Número de mortos na Região Serrana já passa de 900 após chuvas de janeiro"
- ↑ http://noticias.uol.com.br/cotidiano/2011/01/24/cidades-de-santa-catarina-e-minas-gerais-decretam-situacao-de-emergencia-devido-as-chuvas.jhtm
- ↑ Inundações no Sri Lanka deixam 16 mortos e quase 1 milhão de desabrigados - noticias.r7.com
- ↑ Sri Lanka floods toll hits 18 news.yahoo.com
- ↑ Philippines : Floods : 2010/12/31 Asian Disaster Reduction Center - ADRC
- ↑ South Africa flood death toll rises as government declares 33 disaster zones www.guardian.co.uk
- ↑ Legisladora ferida no Arizona passa por cirurgia e respira sem aparelho folha.com.br
- ↑ Presidente da Tunísia cede à pressão popular e deixa o governo Deutsche Welle (en Portugalana)
- ↑ Presidente tunisiano chega à Arábia Saudita após abandonar seu país noticias.uol.com.br
- ↑ Presidente do Parlamento é proclamado líder interino da Tunísia noticias.uol.com.br
- ↑ Clashes mark Bahrain 'Day of Rage
- ↑ Número de mortos no Japão sobe para 3.771 noticias.uol.com.br
- ↑ Bahrain king declares state of emergency after protests
- ↑ Mohamed VI anuncia la reforma. 20minutos.es
- ↑ El presidente guineano sobrevive a un ataque a su residencia en Conakry, en El Mundo de España
- ↑ Wednesdey August 31 2011 blogs.aljazeera.net
- ↑ India and Bangladesh sign pact on border demarcation Ibnlive.in.com
- ↑ China realiza su primera maniobra de acoplamiento espacial Noticia|Elpais.com