Aerobiala gimnastiko
Aerobiala gimnastiko (kurtigit ad aerobialo, del adjektivo aerobia; en l' Angla: aerobics) esas efikiva korpal exerco qua ofte exekutesas akompanate da muziko. Forteso, flexebleso, koordino e takto esas exercata. Aerobiala gimnastiko esas tre popular inter mulieri qui to facas grupe kun instruktisto o sole avan televizion-aparato. Dum la yari 1960a, dro. Kenneth H. Cooper introduktis exercaro por plu-fortigar la kordio e la pulmoni, e komencis l'unesma "aerobial"-instrukto en Usa. Ilua libro "Aerobics" efektigis definitiva popularesko dil exercaro.
Cooper, exerc-entuziasmanto, esis astonata pri pro quo kelka homi kun bona muskulala forteso kontree esis tante febla pri aktivesi quale kurar longa-diste, natar e biciklagar. Il komencis uzar biciklal ergometro por mezurar l'exekuto dil exerco relatante la kapableso di persono uzar oxo.
Aerobiala gimnastiko esas facata por kombustar grasi e karbon-hidrati ed ameliorar la korpala stando.
Existas diferanta sorti di aerobiala gimnastiko, quale interfal-aerobialo, (exerco alternata da periodi de repozo), paz-aerobialo (ube on stacas sur ula platformo), aqu-aerobialo (aerobial exerci en aquo) e dans-aerobialo.
Ul aerobiala sesiono ofte konsistas de:
- varmigo
- kordio-exerco
- (planko-)sul-exerco
- extenso/koldetigo