And did those feet in ancient time
"And did those feet in ancient time" esas poemo da William Blake del prefaco di lua epikajo Milton: A Poem in Two Books, un ek kolekturo de skriburi konocata kom le Prophetic Books.
La dato 1804 sur la titulo-pagino esas probable kande laboro pri la plaki komencis, ma la poemo imprimesis c. 1808. Nunadie ol maxim bone konocesas kom la himno "Jerusalem", kun muziko kompozita da Sir Hubert Parry en 1916. Ol esas ne-konfundenda kun altra poemo, multe plu longa e kun plu granda temo, ma anke da Blake, Jerusalem The Emanation of the Giant Albion.
La poemo inspiresis dal apokrifa naraco ke yuna Jesu, akompanita da Josef di Arimatea, stano-komercisto, voyajis al nunepoka Anglia e vizitis Glastonbury dum sua nekonocata yari. La temo dil poemo relatas la Libro di Revelo (3:12 e 21:2) qua deskriptas Duesma Adveno, kande Jesu establisas Nova Jerusalem. Eklezii generale, inkluze la Eklezio di Anglia, delonge uzas Jerusalem kom metaforo por la CIelo, loko di universal amo e paco.
En la maxim frequa interpreto dil poemo, Blake implikas ke vizito da Jesu kurtatempe kreus Cielo en Anglia, kontraste a le "dark Satanic Mills" (fabrikerii) dil Industriala Revoluciono. La poemo da Blake pozas quar questioni vice asertar la historial vereso dil vizito da Kristo. Tale la poemo nur implikas ke forsan eventis deala vizito, kande esis kurtatempe Cielo en Anglia.