Anders Behring Breivik
| Anders Behring Breivik | ||
| Profesiono: | neonaziisto, teroristo | |
| Lando: |  Norvegia | |
| Naskodato: | 13 di februaro 1979 | |
| Nasko-loko: | Oslo, Norvegia | |
Anders Behring Breivik (n. ye la 13ma di februaro 1979) esas Norvegiana neonaziisto e teroristo.
Breivik sole ye la 22ma di julio 2011 organizis du bombal ataki en Oslo. L'unesma eventis ye 15:25:22 kloki, kande furgono plenigita per bombi explozesis en la Regjeringskvartalet ("guvernala quartero"), proxim la laboreyo di lora chefministro Jens Stoltenberg (8 mortiti e 209 vunditi). La duesma eventis min kam 4 hori pose, kande la teroristo vestizita semblanta policisto voyajis per paromo til l'insulo Utøya, e pafis kontre yuni qui partoprenis en kampeyo dil yunaro de la Partiso Laborista (AP). La pafado produktis 69 morti ed adminime 110 plusa homi vundita, di qui 55 serioze.