Andy Summers

De Wikipedio
Salti al navigilo Irez a serchilo
Andy Summers
Andy Summers with guitar 2015.jpg
Profesiono: muzikisto, kompozisto
Lando: Flag of the United Kingdom.svg Unionita Rejio
Naskodato: 31 di decembro 1942
Nasko-loko: Poulton-le-Fylde, Lancashire, Anglia
Mortodato:
Retoloko: http://www.andysummers.com

Andy Summers (n. Andrew James Somers ye la 31ma di decembro 1942) esas Britaniana muzikisto e kompozisto, ex-membro de la rock-bando The Police.


Frua vivo

Andrew James Summers naskis en Poulton-le-Fylde, Lancashire. Dum ke il esis puero, lua familio translojis a Bournemouth en Dorset, Anglia. Pos plura yari de piano-lecioni, il komencis lernar plear la gitaro. Ye frua evo il pleis jazo-gitaro. Kom adolecanto il asistis koncerto da Thelonious Monk e Dizzy Gillespie en London qua forte impresis lu. Evinte dekesis il pleis en lokala klubi, ed evinte dekenon il translojis a London kun sua amiko Zoot Money por formacar Zoot Money's Big Roll Band.

The Police

Summers atingis internaciona famo kom la gitaristo di The Police, bando quan il adheris en 1977, fine remplasinte la originala gitaristo Henry Padovani. Emersinta de la punk-ceno di London, The Police ganis internaciona famo per multa sucesoza kansoni, inkluzinte "Message in a Bottle", "Roxanne", "Don't Stand So Close to Me", "Every Breath You Take", ed "Every Little Thing She Does is Magic". Dum lua tempo kun la bando, Summers dufoye ganis Grammy-premio pro "Best Rock Instrumental Performance", unesme en 1979 pro "Reggatta de Blanc" (skribita kun Stewart Copeland e Sting) ed en 1980 pro "Behind My Camel".