Apple Inc.
Apple Inc. esas Usana multa-naciona teknologiala kompanio.
La Apple Computer Company fondesis ye la 1ma di aprilo 1976, kom asociuro, da Steve Jobs, Steve Wozniak e Ronald Wayne. En julio 1976 Wozniak demonstris prototipo, desegnita da lu, di la unesma produkturo di la kompanio, la komputero Apple I. Ol inkluzis interpretilo por la komputero-linguo BASIC; programisti uzanta ta linguo povis unesmafoye skribar programi per ca mikra komputero, vice la granda mashini tatempe utiligita.
Produktado di Apple I cesis en septembro 1977, sucedite da la Apple II, qua grandaparte esis desegnita da Wozniak. La Apple II, qua esis tre populara, esas egardata kom un de la maxim importanta di irga komputero.