Aristoteles

De Wikipedio
Irez ad: pilotado, serchez
Aristoteles
Aristotle Altemps Inv8575.jpg
Okupeso: Filozofo
Lando: Flag of Greece.svg Grekia
Naskodato: 382 BC, 383 BC
Nasko-loko: Stagira
Mortodato: 320 BC, 321 BC
Morto-loko: Khalkída

Aristoteles (/ˈærɪˌstɒtəl/; Greka: Ἀριστοτέλης [aristotélɛːs], Aristotélēs; 384 aK – 7 di marto 322 aK) esis Greka filozofo, ciencisto e logikisto naskinta en Stagira. Ilu skribis plu kam 200 texti (di qui konocesas 31) pri multa diferanta temi, quale logiko, metafiziko, filozofio pri la cienco, etiko, politiko, estetiko, retoriko, fiziko e biologio.[1]

Lua patro, Nicomachus, mortis kande Aristoteles esis puero e lu vivis sub sucio di gardero. Evante 18 yari, ilu divenis dicipulo di Platon en Athina, ube restis til l'evo di triadek e sep, proxim la yaro 347 aK.

Ilu skribis en la formo di dialogi, e lua verki traktas pri multa temi, exemple fiziko, metafiziko, poezio, teatro, muziko, logiko, retoriko, linguistiko, politiko, guvernerio, etiko, biologio e zoologio. Ilu studiis cirkume 400 speci di animali, di qui dissekis cirkume 50.

La verki da Aristoteles esis l'unesma en la westala filozofio qui kreis kompleta sistemo qua enkorpigis etiko, estetiko, logiko, cienco, politiko, e metafiziko. Quale Platon, ilu agnoskis l'existo di sociala klasi, ma segun ilu ne esis tri, ma du klasi: la klasi di libera homi, e la klasi di sklavi.

Poka tempo pos la morto di Platon, Aristoteles quitis Athina, e pro demando dal rejulo Filipus de Macedonia, il divenis preceptoro por Alexandros (356 aK–323 aK).

Frazi[redaktar | edit source]

Cquote1.png L'egoismo esas ne la propr-amo, ma pasiono desordinita, quan onu sentas por su ipsa. Cquote2.png
Cquote1.png La dubito esas la unesma pazo a la sajeso. Cquote2.png
Cquote1.png L'anmo esas la kauzo efikanta e la principo organizanta dil korpo vivanta. Cquote2.png
Cquote1.png L'amikeso esas un anmo habitanta en du korpi, ed un kordio habitanta en du anmi. Cquote2.png

Referi[redaktar | edit source]

  1. Shields, Christopher - Aristotle - . Aristotle (en Angla). Stanford Encyclopedia of Philosophy - Winter 2009 Edition. (Videz la prefaco dil texto pri Aristoteles).
Wikipedio
Wikivortaro explikas
ca rubriko
en altra lingui: Aristoteles