Arkitekturo di Stockholm

De Wikipedio

Arkitekturo en Stockholm, Suedia, havas historio qua komencis dum la 1200a yari, o forsan mem plu frue.

Segun ula fonti, forsan esis simpla defens-edifico, kastelo o simila, en la nordesta parto dil insulo Stadsholmen cirkume 1200 o tam frue kam la 1100a yari.  L'edifici en Stockholm karakterizesas da la specala loko dil urbo inter la lago Mälaren e la Baltika Maro, da la Hansa-Uniono, da granda povo ed industrialismo, da funcionalismo, dal tramovoyi, automobili e subtera fervoyo, e da forta volo formizar l'urbo aden loko di moderna vivo.

La desegno dil maxim multa granda edifici en Stockholm influesis de exterlando.  Dum la 17ma e 18ma yarcenti, stranjera arkitekti rekrutesis aden l'urbo, e dum recenta periodi sueda arkitekti inspiresis da lia studio-voyaji en Europa, e dum la 20ma yarcento anke en Usa.

Stranjera tendenci maxim ofte venis a Suedia kelke plu tarde, e lore adaptesis al sueda gusto e sueda tradiciono, ube, exemple, Neoklasikismo divenis Sueda Gustavianska-stilo, e 1920a-klasikismo kun Art deco divenis sua propra stilo-direciono, ofte nomizata Swedish grace o Nordala Klasikismo.