Augustus

De Wikipedio
Ica artiklo bezonas revizo gramatikala. – Ka vu povas helpar ni revizar ica artiklo?
Augustus
{{{Originala_nomo}}}
Imperiestro di Romana Imperio
Guvernisteso: de la 16ma di januaro 27 aK til la 19ma di agosto 14
Precedanto: Ne havis, komenco dil Imperio
Sucedanto: Tiberius
Personal informi
Naskodato: 62 BC, 23 di septembro 63 BC
Naskoloko: Roma
Mortodato: 19 di agosto 14, 13
Mortoloko: Nola, Italia, Romana Imperio
Spozo: Clodia Pulchra (42–40 aK)
Scribonia (40–38 aK)
Livia Drusilla (37 aK – 14)
Profesiono: Militisto e politikisto

Gaius Iulius Caesar Augustus (nask. Gaius Octavius Thurinus, pose Gaius Iulius Caesar, kurte Augustus) (23ma di septembro 63 aK til 19ma di agosto 14) esis l'unesma Romana imperiestro (16ma di januaro 27 aK til la 19ma di agosto 14). Iulius Caesar adoptis ilu en 44 aK e nomisis ilu kom lua sucedanto.

Formale Augustus prezervis la formi e kustumi di la Romana republiko, ma praktikale ilu regnis kom despoto dum plua kam 40 yari. Augustus finis per sangoza milito l'epoko di interna militi. Lua maxim granda suceso esis la longa e relate pacoza epoko, Pax Romana. Augustus mortis ye la yaro 14, evante 75 yari, posible pro naturala kauzi.

Ye la 12ma di januaro 29 aK, Augustus klozis la pordi dil templo di Janus, por montrar ke la Romana imperio esis pacoza. To sequis la suceso di Roma ye la navala batalio che Actium en 31 aK, kontre la trupi di Kleopatra e Marcus Antonius. (Antonius, antee membro de la Romana triumviraro, kun Augustus, divenis amoranto di Kleopatra, rejino di Egiptia. Pos la vinko che Actium li suocidis.).

La templo di Janus situesis che Romana forumo. Olua pordi ne esabis klozata depos la fino di la Unesma Punika milito en 235 aK, kande konsulo Titus Manlius Torquatus klozis la pordi. L'antea (ed unesma) klozado di la pordi eventis dum la regno (715-673 aK) di Numa Pompilius, duesma rejulo di Roma, qua konstruktis la templo.