Batalio di Cushima
| Batalio di Cushima | |||
| |||
| Admiralo Tōgō Heihachirō en la Batalio di Cushima. | |||
| Konflikto: | Rusa-Japoniana milito | ||
| Dato: | 27ma e la 28ma di mayo 1905 | ||
| Loko: | stretajo di Cushima | ||
| Rezultajo: | Decidiganta Japoniana vinko | ||
 imperiala Rusiana mar-armeo
|
↔ |  imperiala Japoniana mar-armeo
| |
| Rozhdestvenski | ↔ | Heihachiro Togo | |
| 31 kurasonavi e kroznavi | ↔ | 12 kurasonavi, 8 kroznavi | |
| 4380 morti, 5917 vunditi; 21 navi sinkita, 7 kaptita, 6 disarma navi | ↔ | 117 morti, 583 vunditi | |
La Batalio di Cushima eventis ye la 27ma e la 28ma di mayo 1905 inter rusa Baltika navaro komandita dal admiralo Rozhdestvenski e Japoniana floto sub l'impero dil admiralo Togo.
Indexo
La motivi[redaktar | redaktar fonto]
Ye la 8ma di februaro 1904 Japoniana mar-armeo atakis Port Arthur e domajis serioze tri Rusa navi. Komence, la skopo di la Japoniani esis protektar lia linei di komuniko e provizo en kontinental Azia, por futura milito en Mandjuria. Caro Nikolaus la 2ma di Rusia sendis Baltika navaro kun la quar plu nova kurasonavi de klaso Borodino. Dum l'autuno 1904, admiralo Rojdestvenski departis por periloza cirkumnavigo di Afrika qua duris dum 8 monati,[1] e subisis la manko di provizuri di karbono e skarmuchi kun navi di Britaniana Royal Navy. Ne povis skurar kareni to ne povis igar non nodo sive mezo di Japoniani.
Batalio[redaktar | redaktar fonto]
Ye la 27ma di mayo, poke ante l'auroro, admiralo Togo navigeskis kun skopo haltigar la Rusa eskadro. Ilu komandis nova floto kompozata per 4 kurasonavi e 8 granda kroznavi eskortesis da multa navi di infra tuno: destroyeri, fregati e torpederi.
La batalio debutis pos-dimezo, la du floti entris en vidala kontakto. Togo prenis lore audacoza inicio: il imperis a lua eskadro jirar da kontramarcho, manovro destinita da barar la voyo a Rusa navaro, ma qua expozis tale dekedi longa minuti nav-flanko por enemika projektili.
La du linei esis eskartita 6 200 m lore de la kombatesko. La precipua Japoniana navi esis equipita kun telemetrio, guid-utensili qua permisis pafar precize tre supere ed uzis la pulvero Shimoza qua incendiis la rusa navi.
La Rusa navaro, desorganizita e pos perdir rapideso pro Japoniana torpederi entris en lico segun, e livris su spoliema. Malgre kurta noktala pauzo, la masakro duris la sequanta dio. Ye 10h45 kloke la 28ma di mayo, la Rusa navi qui restis sinkesis o hisis la kapitulaco-standardo. Sole quar kroznavi parvenis eskapar vers Vladivostok od a neutrala portuo di Manila.
Rezulto[redaktar | redaktar fonto]
Japoniana vinko esis kompleta. To precipitis Rusa kapitulaco signatita che Portsmouth ye la 5ma di septembro 1905. Inter altri Japonia prenis kontrolo sur Korea. Unesmafoye en la historio, moderna estala naciono vinkis westala povo.
Referi[redaktar | redaktar fonto]
- ↑ Hoje na História:1905 – Japão derrota Rússia na Batalha de Tsushima. Opera Mundi. URL vidita ye la 27ma di oktobro 2017.
