Bestieto nociva

De Wikipedio
(Ridirektita de Bestietacho)
Rato, ordinara exemplo pri bestietacho.
Avizo interdiktas nutrar kolombi, pro la posibleso transmisar morbi.

Bestietacho (segun la vortaro da Dyer) o bestieto nociva esas termino aplikebla a diversa speci di animali judikata kom nociva, nam li povas portar morbi de ula loko o persono ad altra, exemple kelka speci di roderi ed insekti, o konsumar o destruktar rekolturi e kultivaji. Pro ke la defino di ca termino relatas homal agadi, qui varias segun regioni, la defino di quala speci animala esas nociva povas variar ed inkluzar granda animali. Ordinare, blati, skorpioni e rati maxim-multa-kaze judikesas kom bestietachi omnaloke. Altra speci, exemple kolombi, kande habitas urbala ambienti en granda quanti, povas judikesar kom bestietachi, o, pejorative, "fluganta rati", nam lia sterko povas gastigar paraziti qui transmisas morbi a la homo. En rurala arei di Australia, sovaja kunikli judikesas kom nociva, nam li povas destruktar plantacerii.