Bethel, Alaska

De Wikipedio
Salti al navigilo Irez a serchilo
Bethel, Alaska
Bethel Alaska aerial view.jpg
Aeral imajo pri Bethel, kun la fluvio Kuskokwim.
Lando: Flag of the United States.svg Usa
Stato: Alaska
Informo:
Latitudo: 60°47'32"N
Longitudo: 161°45'21"W
Surfaco: 129,78 km²
Habitanti: 6 080 (2010)
Denseso di habitantaro: 57,13 hab./km²
Horala zono: UTC-9
(UTC-8 dum la somero)
Urbestro: Perry Barr
Mapo:
Mapo di Bethel, Alaska

Bethel esas urbo en tale nomizita "demografiala regiono Bethel", en Alaska, Usa. Segun la demografiala kontado de 2010, ol havis 6 080 habitanti. Lua tota surfaco esas 129,78 km².

Geografio[redaktar | redaktar fonto]

Bethel jacas apud la fluvio Kuskokwim, cirkume 80 km de la punto ube ol debushas an la bayo samnoma. Lua klimato esas sub-Arktika (Dfc segun la klimatala klasifikuro da Köppen), kun vintri longa e nivoza, e someri kurta e moderema.

Segun l'Usana Kontado Ministerio, l'urbo havas entote 126.4 km², equivalanta a 48.8 mi², di qui 113.3 km² (43.8 mi²) esas lando, e 13.1 km² (5.1 mi², o 10.39% de la surfaco totala) esas aquo.

Demografio[redaktar | redaktar fonto]

Segun statistiki por la yaro 2004, 5 595 homi, 1 792 hemanari, e 1 187 familii rezidis en la urbo. La denseso di habitantaro esis 49,3/km² (125,0/mi²). Existis 2 310} domi kun mezvalora denseso di 17,6/km² (45,5/mi²). Segun raso, 26,83% esis Blanki, 0,93% Negri od Afrik-Usani, 61,78% indijeni Amerikana, 2,87% Aziani, 0,16% Pacifik-insulani, 0,51% de altra rasi, e 6,91% de du o plura rasi, e 1,70% de la habitantaro esis Hispan-Amerikani o Latin-Amerikani de irga raso.

Esas 1 792 hemanari, di qui 46,0% havis pueri evante min kam 18 yari en la domo, 51,2% esis mariajita e habitis kune, en 18,15% muliero sen spozulo esis la domo-chefo, e 30,45% esis ne-familii. En 24,5% de omna hemanari vivis unika sola individuo, e 3,2% habitesis da unika persono evante 65 yari o pluse. La mezavalora grandeso per hemanaro esis 3,00 e la mezvalora grandeso per familio esis 3,65 personi.

La procento di habitanti segun evo esis: 33.4% evante min kam 18 yari, 12.0% de 18 til 24 yari, 30.7% de 25 til 44 yari, 19.8% de 45 til 64 yari, e 5.9% evante 65 yari o pluse. La mezvalora evo esis 29 yari. Por singla 100 mulieri esis 110.4 viri. Por singla 100 mulieri evante 18 yari o pluse, esis 109.6 viri.

La mezvalora revenuo per hemanaro en la urbo esis $56,931, e la mezvalora revenuo per familio esis $62,431. La mezvalora revenuo por la viri esis $44,921 kontre $39,010 por la mulieri. La revenuo per capita por la urbo esis $20,267. Vivis sub la povreso-lineo 11.2% de la habitantaro e 10.6% de la familii. Ek omna habitantaro evante min kam 18 yari, 9.9%, ed ek omna habitantaro evante 65 yari o pluse, 17.9% vivis sub la povreso-lineo.