Bizancana Imperio

De Wikipedio
(Ridirektita de Bizanciana Imperio)
Irez ad: pilotado, serchez
Bizancana Imperio en 555. Oranjee, la regioni konkestita da Justinianus la 1ma.
Justinianus la 1ma, centre en mozaiko an la kirko di Santa Vitalis de Ravenna.

Bizancana Imperio (en moderna Greka: Βυζαντινή αυτοκρατορία) esas la nomo donita ad l'uno di du stati formacita pos la divido di Romana imperio en la 4ma yarcento: La Romana imperio del Oriento (en latino Imperium Romanum Orientale, en mezepokala Greka Ἀνατολική Βασιλεία Ῥωμαίων / Anatolikè Basileía Rhômaíôn), kun chef-urbo en Konstantinoplo, olim nomizita "Bizantia".

Dum fino dil 3ma yarcento, l'imperiestro Dioklecianus dividis Roman imperio en du. La divido divenis definitiva pos la morto di Theodosius la 1ma, en 395. Romana imperio dil Ocidento desaparis en 476, ma Bizanco kontinuis existar dum preske mil yari plusa, til la konquesto di Konstantinoplo dal Otomani en 1453.

L'imperio havis lua maxima extenso dum la regno dil imperiestro Justinianus la 1ma (527 til 565). Justinianus konquestis la insuli weste de Mediteraneo (Sardinia, Korsika, Baleari), l'anciena romana provinco Africa e la sudo di Iberia, qua divenis la provinco di Spania.