Blogo

De Wikipedio
Irez ad: pilotado, serchez

Blogo esas retala jenro qua tipesas per reteyo kun mesaji multopla da un o plu mult autori. Ofte ta mesaji esas datizita e la blogo esas reguloze aktualigata per nova mesaji, quale diario o logolibro, ma ca ne esas obligata. La jenro naskis dum la 1990-a yari pos l'apero dil Interreto.

Diversa subjerno di la blogo existas, quale la ciencala blogo, la jurnalista blogo, la politikala blogo, la gastronomiala blogo, la blogo di voyajado, la videoludo-blogo, la imajo-blogo, la mikroblogo, e.c. Kelka sub-jenri, quale la mikroblogo, tre similesas la sociala medii e la bordi konceptala povas esar tre nedefinita.

Ofte retoloki di jurnali ed important organizuri havas sua propra blogi. Existas multa reteyi qua ofras servado por personala blogi, quale Wordpress, Blogger, Tumblr, Typepad ed Overblog.