Bob-glitvetur-sporto
Bob-glitvetur-sporto esas olimpiala vintro-sporto (depos 1924, Chamonix), dum qua on vehas sur sinuoza parkuro de glacio sur betono, per direktebla glitveturo provizita de aerodinamiala kuvo. Bob-glitveturo venas del Angla verbo to bob, signifikante saltetar, sur rekta peci la vehanti movas su ad-e-retroe por efektigar plu granda rapideso. Existas versioni por un, du o quar vehanti.
Glitvetur-vehar existis hazarde en Suisia, kande on decensis la monti per glitveturo. Olime esis ligna glitveturi, pose, precipue por la sporto, e pro sekureso, la kuvo di la glitveturi esis de fero. Moderna bob-glitveturi havas du pari de ferolami sub la kuvo qui glitas sur la glacio. L'avana ferolami esas direktebla. Por l'Olimpiala Ludi la tota pezo - veturo e pasajeri - esez admaxime 635 kilogrami. Por startar on devas kurar e pulsar por acelerigar la glitveturo e kande esas sat granda rapideso la kuranti saltas aden la kuvo.
Bob-glitveturo povas atingar rapideso de 100 a 150 kmph.