Brian Aldiss

Brian Aldiss (n. 18 di agosto 1925, m. 19 di agosto 2017) esis Britaniana skriptisto di cienco fiktiva.

Il naskis en Dereham, Norfolk. Dum yuneso il lektis multa cienco fiktiva. En 1943, partoprenante en la duesma mondo-milito, il servis en Burma. Pos la milito il laboris en libro-vendeyo en Oxford. En 1955 aparis ilua unesma libro, kurta rakonti pri la diala vivo di ta laboro, ed en 1954 il ganis premio en konkurso, por kurta rakonto pri la yaro 2500.

Ilua unesma libro cienco-fiktiva, kolekturo de kurta rakonti, aparis en 1957, ed il lore divenis profesionala skriptisto. Il fondis la unesma revuo pri kritiko di cienco fiktiva, e kompilis antologii. La lasta de ilua multa romani aparis en 2013.