Bucarest

De Wikipedio
Jump to navigation Jump to search
Bucarest
Bucuresti de sus.jpg
Aeral imajo pri Bucarest, kun l'avenuo Kiseleff.
ROU Bucharest Flag.png ROU Bucharest CoA.svg
Flago di Bucarest
Bucureşti
Blazono di Bucarest
Bucureşti
Lando: Flag of Romania.svg Rumania
Informo:
Latitudo: 44º25'57" N
Longitudo: 26º06'14" E
Altitudo: 60 til 90 m
Surfaco: 228 km²
Habitanti: 1 883 425 (2011)
Denseso di habitantaro: 8,260 hab./km²
Horala zono: UTC+2
UTC+3 dum la somero
Urbestro: Gabriela Firea
Mapo:
Mapo di Bucarest
Oficala retosituo:
pmb.ro
Rezideyi en la quartero Titan en Bucarest, proxim la parko Cuza.

Bucarest (en Rumaniana: Bucureşti) esas la chef-urbo ed anke la maxim importanta industriala, financala e kulturala centro di Rumania. Segun la demografiala kontado di 2011 ol havis 1 883 425 habitanti. Lua totala surfaco esas 228 km². Ol jacas sud-este de la lando, e distas min kam 60 km del fluvio Danubio e de la frontiero kun Bulgaria.

Ol esas la 6ma maxim populoza urbo dil Europana Uniono, pos London, Berlin, Madrid, Roma e Paris, kande on konsideras nur la habitantaro interne la limiti del urbo e ne la metropolala regiono.

La Rumaniana nomo București havas necerta origino. La tradicioni afirmas ke l'urbo fondesis dum la 15ma yarcento da Bucur, qua esabus pastoro, o princo, o bandito, o peskero. En la Rumaniana la vorto bucurie signifikas "joyo", e posible havas Dacian origino.

Historio[redaktar | redaktar fonto]

Nacionala Muzeo pri Arti, en Bucarest.

Dum l'Antiqueso, la nuna regiono di Bucarest kovrabis per la dika foresti di Codrii Vlăsiei. Homi habitis ibe adminime de Paleolitiko.

L'urbo mencionesis unesmafoye en 1459, kun la nomo "citadelo di București". Ol divenis rezideyo dil princo Vlad la 3ma di Valakia, anke konocita kom Vlad l'Empalero (Vlad Țepeș) o Vlad Drakula.

L'Otomani indikis Greka administristi (Fanariotes) por administrar l'urbo pos la 18ma yarcento. En 1821, pos kurta revolto komandita da Tudor Vladimirescu, l'administro dal Fanariotes finis.

Bucarest divenis chef-urbo di Rumania en 1862, pos ke Valakia e Moldavia unionesis por formacar la princio di Rumania.

Geografio[redaktar | redaktar fonto]

La lago Văcărești esas areo protektita pos 2015.

La reliefo di Bucarest esas plana, jacante an la du rivi dil fluvio Dambovitsa. Tamen, tradicionale konsideresas ke Bucarest fondesis sur 7 kolini: Mihai Vodă, Dealul Mitropoliei, Radu Vodă, Cotroceni, Spirei, Văcărești, e Sf. Gheorghe Nou.

La lago Văcărești jacas an la sudala parto dil urbo. Ol esas interne di 190-hektara parko protektita per lego, qua gastigas 97 speci di uceli ed adminime 7 speci di mamiferi.[1] La parko cirkondesas per rezidala edifici e, pos esar abandonita dum kelka yari, ol transformesis en nacionala parko.

La klimato dil urbo esas humida kontinentala (Dfa segun la klimatala klasifikuro di Köppen). La mezavalora temperaturo en januaro (vintro) esas -1,3°C, dum ke la mezavalora temperaturo en julio (somero) esas 15,4°C.

La mezavalora yarala pluvozeso esas 643 mm, e la maxim pluvoza monato esas junio, kun mezavalore 83 mm.

Referi[redaktar | redaktar fonto]

Commons
Commons havas kontenajo relatante a:
Chef-urbi di Europana landi

Amsterdam · Andorra la Vella · Athina · Belgrade  · Berlin · Bern · Bratislava · Bruxel · Budapest · Bucarest · Dublin · Helsinki · Kiev · Chisinau · København · Lisboa · Ljubljana · London · Luxemburg · Madrid · Minsk · Monako · Moskva · Nikosia · Oslo · Paris · Podgorica · Praha  · Reykjavík · Riga · Roma · San-Marino · Sarajevo · Skopje  · Sofiya · Stockholm · Tallinn · Tbilisi · Tirane · Vaduz · Valletta  · Warszawa · Vatikano · Wien · Vilnius · Yerevan · Zagreb