Burgundia-Libera Komtio

Burgundia-Libera Komtio Regiono di Francia Citadelo di Besançon. Chefurbo Besançon Surfaco 47783 km² Habitanti Denseso di habitantaro 2 803 977 (2022) 59 hab./km² Prezidanto regionala Franck Robine Horala zono UTC+1 (UTC+2 dum somero) TNP (yaro) € 81,7 miliardi (2022)

Burgundia-Libera Komtio esas nova regiono an la westo di Francia, kreita per la teritoriala reformo di 2015, kun efiko pos la 1ma di januaro 2016. La nova regiono rezultis de l'uniono dil anciena regioni Burgundia (France Bourgogne) e Libera Komtio. Entote la regiono havas 47 783 km² (surfaco plu granda kam olta di Estonia e min granda kam olta di Slovakia), e 2 803 977 personi vivis ibe segun la demografiala kontado di 2022.

Historio

Precipua artiklo: Burgundia

Objekti de fino di bronz-epoko, trovita en Mont-Julien

L'olima teritorio di Burgundia habitabas de prehistorio. Existas multa restaji de Homo erectus en la regiono. Dum bronz-epoko, eventis tri periodi di granda migrado di populi veninta de central Europa a la regiono. L'unesma granda migrado eventis inter 1800 aK e 1500 aK. La duesma eventis inter 1500 aK e 1200 aK, e plubonigis lokala metalurgio. La triesma migrado eventis ye la fino di bronz-epoko, inter 1200 aK e 800 aK. Ta lasta populo praktikis kremaco di mortinti.

L'unesma populi qui enrejistris lia habitado en la regiono esis tribui kelta, qui pose konquestesis da Romani komandita da Iulius Caesar, qua konquestis la tota Galia dum la 1ma yarcento aK.

On kredas ke Burgundiani esis Germana tribuo qua posible migris de Bornholm (en la nuna Dania) cirkume 411, kande Romana imperio komencis krular. Segun altra teorio li esis le Bourougoundoi, tribui mencionita da Greka historiisto Agathias dum la 6ma yarcento, qui habitis stepi Euraziana e havis parentesi kun Skiti e Huni. Tamen Agathias posible konfuzis li kun Lombardi.

De la 5ma til la 8ma yarcento la nuna teritorio di la regiono ja apartenis a rejio Borgundia. Per tale nomizita kontrato di Verdun en 843 la regiono dividesis en du parti: "libera Borgundia" (la nuna Borgundia), qua pose originis dukio Borgundia; ed "imperiala Borgundia" o "supra Borgundia", ube komtio Borgundia (Franche-Comté, "libera komtio") formacesis. La du provinci restis sub la sama vasaleso, tamen sub diferanta suverenesi, de 1330 til 1361 sub dinastio Borgundiana, e de 1384 til 1477/1493 da duki e komti de dinastio Valois. La du separesis komplete ye la fino dil 15ma yarcento, e la komtio enkorpigesis da rejio Francia, kontre ke la dukio enkorpigesis da Santa Romana imperio.