Chichén Itzá

De Wikipedio
(Ridirektita de Chichen Itza)
Templo di la Militisti (templo de los guerreros).
Agro ube eventis balono-ludo di le Maya.

Chichén Itzá esis olima urbo, nun arkeologiala loko, konstruktita da civilizuro Maya proxim la municipo Tinúm, stato Yukatan, sude de Mexikia. Ol esis un ek la maxim granda urbi di le Maya, ed on kredas ke ol esas un ek la fabloza urbi mencionita en cental-Amerikana literaturo.

Grandaparte, l'urbo konstruktesis inter la yari 750 e 900 depos Kristo. Ol divenis chef-urbo di vasta areo de la centro til la nordo di la peninsulo Yukatan, e lua povo extensis ad estala e westala rivi de la peninsulo. Depos la 12ma yarcento l'urbo dekadis. Segun kelka fonti, Hunac Ceel, guvernanto di Mayapán, konquestis Chichén Itzá dum la 13ma yarcento.

Lua ruini nun esas federala proprieto de la guvernerio di Mexikia, e vizitesas omnayare da cirkume 2,7 milion personi.