Chiquinha Gonzaga

De Wikipedio
Jump to navigation Jump to search
Chiquinha Gonzaga
Chiquinha 6a.jpg
Profesiono: kompozistino, muzikistino e maestrino
Lando: Flag of Brazil.svg Brazilia
Naskodato: 17 di oktobro 1847
Nasko-loko: Rio de Janeiro, Brazilia
Mortodato: 28 di februaro 1935
Morto-loko: Rio de Janeiro, Brazilia

Chiquinha Gonzaga (n. Francisca Edwiges Neves Gonzaga en 1847 til 1935) esis Braziliana kompozistino, muzikistino (pianistino) e maestrino. El kompozis e fonografis l'unesma marchinha (muziko por karnavalo) en Brazilia, Ó Abre Alas.

Elua patro esis generalo dil armeo, José Basileu Gonzaga, ed elua matro esis povra mulatino, Rosa Maria de Lima. Chiquinha kreesis en richa familio - elua baptopatro esis la Duko di Caxias e, dum la republiko, el divenis amikino de Nair de Tefé, spozino di la prezidanto Hermes da Fonseca. Evante 11 yari, el kompozis elua unesma muziko, Canção dos Pastores, por Krist-nasko.

Evante 16 yari, el obligesis mariajar Jacinto Ribeiro do Amaral, qua ne aceptis elua muzikala kariero. Pos parturar lua 3ma filiulo, el abandonis lua spozo, kun lua olda filiulo João. En 1867 el vivis kun l'injenioro João Batista de Carvalho, ma anke abandonis il por ne aceptar elua exterspozala aferi.

Chiquinha komencis docar muziko e plear piano por vivar. El kompozis valsi, tango e polki, e divenis l'unesma populala kompozistino di Brazilia, kun la valso Atraente en 1877. En 1911 lua opereto Forrobodó atingis 1500 prizentadi, granda suceso en l'epoko.

Chiquinha anke partoprenis en la politikala movadi kontre sklaveso e por la republiko.