Ciencala komuneso

De Wikipedio
Irez ad: pilotado, serchez

Ciencala komuneso indikas, en senco sat larja, l'ensemblo di ciencisti ed altra distingita personi di quin lia verki havas por temo cienci e/o inquestado segun ciencala metodi. Kelkafoye ta frazo cirkumskribesas a partikulara ciencala domeno: exemple la komuneso di astrofizikisti por l'astrofiziko. La sociologio di la cienci studias ta komunesi, quale li agas, e quale li insertesas en la socio.

Segun William A. Kornfeld e Carl Hewitt, la "ciencala komunesi" posibligas l'expozo di idei e la debato inter ciencisti qui verkas en la sama temo, od en simila o diferanta temi.[1] Por ica du autori, la "ciencala komunesi" esas esencala por la developo di la cienci.[1]

Tamen, la frazo "ciencala komuneso" povas konsideresar obsoleta, pro posibligar ula ciencisto referar lua propra kolegi por legitimigar sua konkluzi pri lua propra inquesto. On anke ne povas egardar la frazo "ciencala komuneso" tro literale; fakte la sequanta problemi eventas:

  • ciencala komuneso ne esas ula komuneso institucita, pro ke ol ne havas legala reprezentero, o viceparolanto oficala;
  • ciencala komuneso ne esas grupo di personi qui povas rikonocesar juste, e ne povesas "etiketizar" qui esas lia membri, e qui ne esas: videz, exemple la problemo pri pseudocienci;
  • ciencala komuneso ne esas uniono di personi. En la sama ciencala feldo, inkluzite pri l'exacta cienci, multa diferanta opinioni povas kunexistar.

L'exakta signifiko di la frazo ciencala komuneso esas tam konfuza kam la di la frazo internaciona komuneso.

Referi[redaktar | redaktar fonto]

  1. 1,0 1,1 Kornfeld, W; Hewitt, CE (1981) - The Scientific Community Metaphor - . The Scientific Community Metaphor (en Angla). pp. 24–33