Citroën

Logotipo* di Citroën depos 2022.

Citroën Traction Avant, de 1934.

Citroën esas automobilala fabrik-marko qua, depos 2021, apartenas a la granda automobilo-grupo Stellantis, kun sideyo en Nederlando. La kompanio fondesis ye la 4ma di junio 1919 dal industriisto André Citroën. En 1976, Peugeot aquiris 89.95% del acioni di Citroën, e formacis kompanio PSA Peugeot Citroën, anke konocata kom PSA Group. Depos 2021 la sideyo di Citroën jacas an urbo Saint-Ouen-sur-Seine, che fabrikerio Stellantis Poissy.

En 1934 la kompanio establisis sua reputo pri teknologiala novigo, kande ol lansis modelo Traction Avant, kun frontala motoro, e suspensiono nedependanta en la 4 roti. En 1952, ol lansis modelo Citroën DS, kun hidropneumatika* suspensiono.