Crescent City, Kalifornia

De Wikipedio
Salti al navigilo Irez a serchilo
Cresent City-Portuo
Navi en Crescent City

Crescent City esas la sidilo e sola municipigita urbo en la komtio Del Norte, Kalifornia, Usa.

Nomizita pro la krecentatra strio de sabloza plajo sude del urbo, Crescent City havis habitantaro di 7.643 en 2010, augmento de 4.006 en 2000.  La habitantaro inkluzas karcerani che Pelican Bay State Prison, anke interne dil urbo-limiti,  e la anexajo Crescent City North.  La urbo esas anke la situo dil chefkontoro di Redwood Nacionala Parko, ultre la historiala Battery Point-Faro.  Pro la richeso di la lokala Pacifika Oceano e la relatanta pesko-rekoltajo, e facila aceso, Crescent City-Portuo servas kom la hem-portuo di multa komercala peskonavi.

La urbo situesas an la Pacifika marbordo en nordwesta Kalifornia, cirkume 32 km sude del Oregon-frontiero.  La marala geografio di Crescent City implikas ke esas risko di tsunami (inundo-ondi).  Granda parto dil urbo destruktesis da quar tsunami-ondi produktita da la tertremo di Santa Venerdio proxim Anchorage, Alaska en 1964.

Plu recente, la portuo dil urbo sufris grava domajo e destrukto pro tsunami produktita da la tertremo di marto 11ma, 2011 proxim Sendai, Japonia.  Plura dekedui navi e multa doki destruktesis pro ke ondo-cikli relatant le tsunami ecesis 2.4 m.  Olua klimato esas anke tre moderema, kun tre koldeta someri rezulte intensa marala moderado.  Proxima marfora arei dop la monti havas signifikante plu varma someri.