Dalton Trumbo
.png)
James Dalton Trumbo (pron.: delton-trambo; n. Montrose (Kolorado), la 9ma di decembro 1905 – m. Los Angeles, la 10ma di septembro 1976) esis Usana cenaristo e skriptisto. Il refuzis en 1947 atestar dum audo di la Komitato di la Domo pri anti-Usana Aktivesi (DUAK) qua exploris la komunistal influi en la filmindustrio. Trumbo registragesis sur la nigra listo di Hollywood dum 13 yari, periodo en qua il skribis cenari sub pseudonimo o per kovro di altra skriptisti. Talamaniere Trumbo ganis du Akademio Premii en la yari 1950. En 1960 la nigra listo desaparis.