Deklaro pri Infantala Yuri

De Wikipedio

La Deklaro pri Infantala Yuri adoptesis da la General Asemblo dil Unionita Nacioni ye la 20ma di novembro 1959 per sua resolvuro 1387 (XIV). Olu montras en dek principi la fundamenta yuri qui posibligas "felica infanteso", egardante ke infanto "pro sua nesuficanta matureso korpal ed intelektala, bezonas specala protekto e specala flego, inkluze konvenanta yurala protekto ante e pos la nasko".

Ol esas un ek la unesma precipua generala konsenti internaciona pri la fundamenta principi dil infantala yuri. Ol adeptesis unanime da la 78 membra stati dil Unionita Nacioni. Depos lore la Unionita Nacioni celebras la internaciona dio dil infantala yuri singlayare ye la 20ma di novembro.

Quankam ol esas nur deklaro nekoaktanta, ica texto esas la fundamento di to quo divenabos la Konvenciono pri Infantala Yuri adoptita da la General Asemblo dil Unionita Nacioni ye la 20ma di novembro 1989. Ica akto kontenas la principi di egaleso e nediskriminaco inter omna infanti (artiklo 1 dil Deklaro) ed anke la necesa sercho dil supra intereso dil infanto (artikli 2 e 7 dil Deklaro).

Kontenajo dil texto[redaktar | redaktar fonto]

Introdukto[redaktar | redaktar fonto]

La Deklaro komencas memoriganta la precipua temi qui kovris la redakto di la Charto dil Unionita Nacioni e dil Universala Deklaro pri Homala Yuri, e referas a la Deklaro di Genève.

Principi[redaktar | redaktar fonto]

La Deklaro enuncas 10 principi:

  1. Nediskriminaco
  2. Supra intereso dil infanto
  3. Yuro pri personeso
  4. Yuro pri nutreso, lojado e flegeso konvenanta
  5. Yuro pri specala edukado e flegado por infanti handikapoza mente o korpe
  6. Yuro pri komprenemeso ed amo da la genitori e la socio
  7. Yuro pri gratuita edukado e pri libera tempo
  8. Yuro pri priora sokurso en irga cirkonstanci
  9. Yuro pri protekto kontre irga formo di krueleso, neglijo ed exploto
  10. Yuro pri formaco segun solidaremeso, komprenemeso, amikeso e justeso inter la populi

Legal aplikebleso[redaktar | redaktar fonto]

Ol esas deklaro principala, morala, qua ne koaktas la stati. Tamen olu kreis vera agnosko dil infantala yuri.