Douglas DC-3
| Douglas DC-3 | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||
Douglas DC-3 esas aviono propulsita per helico qua revolucionis la transporto di pasajeri dum la yari 1930a e 1940a. Projetita da grupo di injeniori chefesita da Arthur E. Raymond, ol flugis unesmafoye en 1935. Ol havis kapaceso por transportar de 21 til 35 pasajeri, segun interna desegno. Ol anke povas uzesar por transportar vari.
Lua fabrikado por civila uzo finis en 1943, pos la produktado di 607 aeroplani. Tamen, militala versioni anke konstruktesis, inkluzite C-47 Skytrain, e versioni produktita en Soviet-Uniono (Lisunov Li-2) e Japonia (Showa/Nakajima L2D). Inkluzinta militala varianti, la quanto produktita superiris 16 mil unaji. En 2023 on kalkulis ke cirkume 150 DC-3 ankore esis flugebla.