Ebola-morbo
Ebola-morbo - oficale hemoragiala febro Ebola - esas virusala morbo produktita dal ebolaviruso. La morbo esas rara ed aparas en formo de regionala erupti en central Afrika. L'unesma erupto di ebola-morbo eventis en 1976 en la komono Yambuku, 95 kilometri de la rivero Ebola (Kongo-Kinsha - olime Zaire), qua anke donis la nomo a la morbo. La morbo efektigas alta morto-nombro, ne existas specifika medikamento kontre l'ebolaviruso.
Simptomi
Inkubaco-fristo esas de 2 til 21 dii. Pos 7 dii aparas febro, kapodolor(eg)o e forta doloro-stroki. Plusa grava simptomo esas la hipo (che 15% de la maladi).
Komence la morbo aparas quale influenzo: guturo-doloro, febro e febleso kun kapodoloro, muskulodoloro ed artikodolori, febro kun tremi pro koldeso, senapetiteso e febla sento esas frua simptomi.
Pos kin dii la pelo produktas makuli (che 15% di omna kazi), precipue sur la torso. Sequas stomakal ed intestinala problemi, quale stomakodoloro, vomo e diareo. Signi di aceso e sangifo di la muko esas: konjuntivito, desfacil e doloroza gluto e hemoragii en la digestiva sistemo sistemo. Etapo pluse povas eventar plusa hemoragii, inflamo di la kordiala muskulo ed pulmonal edemo.
Kontagio
La kontagio eventas per omna korpala fluidi en direta kontakto kun malado o mortinto. Ne omnu mortas pro la kontagio, cirkume 50% mortas.
La fonto di la filovirusi probable esas vespertilii qui kontagias simii, gorili ed antilopi. Pro manjar iti homi kontagiesas. Anke esas tribui qui manjas vespertilii (Meiliandou, la vilajo dil unesma malado di ebola-morbo en Guinea).