Edward 6ma di Anglia

De Wikipedio
(Ridirektita de Edward 6ma)
Irez ad: pilotado, serchez
Edward 6ma

Edward 6ma (12 di oktobro 1537 til 6 di julio 1553) esis rejo di Anglia e rejo di Irlando de 28 di januaro 1547 til sua morto.

Il esis filiulo di Henry 8ma e spozino Jane Seymour, ed il divenis rejo ye la morto di Henry en 1547.

Il esis inteligenta puero, e recevis multa edukado; dum ilua kurta regno il avancigis edukado, establisante plura nova skoli. Dum la lasta yaro ilua saneso divenis sempre plu mala. Ilua protektanto esis la duko di Northumberland; kom protestanto, Edward asentis a l'opiniono di la duko, ke la sucedanta rejo mustus ne esar Mary (mifratino di Edward), qua esis katolika. La projeto di la duko esis entronigar siniorino Jane Grey, a qua la filiulo di la duko esis recente mariajata; ed elqua esis posnepotino di rejo Henry 7ma di Anglia. Kande Edward mortis, evante 15 yari, la duko esforcis realigar sua projeto.