Edward la 7ma di Unionita Rejio

De Wikipedio
Irez ad: pilotado, serchez
Edward la 7ma en 1902

Edward la 7ma esis rejo di Unionita Rejio de 22 di januaro 1901 til 6 di mayo 1910.

Albert Edward, filiulo di rejino Victoria, naskis ye 9 di novembro 1841 en la Palaco di Buckingham. En 1901, pos la morto di sua matro, il divenis rejulo Edward la 7ma. Ilua patro esis Albert, princo di Saxe-Coburg e Gotha, qua esis filiulo di Ernest la 1ma duko di Saxe-Coburg e Gotha; Ernest esis Prusiana generalo qua partoprenabis batalii kontre Napoléon 1ma. En 1863, Albert Edward mariajesis ad Alexandra princino di Dania; el esis filiino di Christian 9ma di Dania, ilqua esis rejo di Dania de 1863 til 1906.

Il kronizesis en l'abadeyo di Westminster ye 9 di agosto 1902. Ilua matro mortis ye 22 di januaro 1901. La kronizo-ceremonio esis eventonta ye la 26ma di junio 1902; tamen ye la 24ma di junio on diagnozis apendicito ad Edward. Il subisis operaco, quo ne esis kustumala en ta periodo. Ol esis sucesoza, e la tardigita ceremonio eventis.