Ekonomio di Polonia
| Ekonomio di Polonia | ||
|---|---|---|
| Pekunio | złoty | |
| Internaciona organizuri | MOK, Europana Uniono, OKED | |
| Statistiki [1] | ||
| Totala nacionala produkturo (TNP) | US$ 1 628 000 milioni (2023) | |
| Rango TNP | 19ma[2] maxim granda | |
| Kresko di TNP | 0,14% (2023) | |
| TNP po persono | US$ 44 400,00 (2023) | |
| TNP segun sektoro | agrokultivo 2,7%, industrio 30,1%, servadi 57,5% (2023) | |
| Inflaciono | 3,8% (2024) | |
| Habitantaro sub la povreso-lineo | 11,80% (2022) | |
| Laboro-povo | 18 145 000 (2024) | |
| Laboro-povo segun okupo | agrokultivo 11,5%, industrio 30,4%, servadi 57,6% (2015) | |
| Chomeso | 2,5% (2024) | |
| Komercala parteneri [1] | ||
| Exportaci (US$) | 471 571 milioni (2023) | |
| Precipua parteneri | Germania 25%, Unionita Rejio 6%, Chekia 6%, Francia 6%, Italia 5% (2023) | |
| Importaci (US$) | 423 797 milioni (2023) | |
| Precipua parteneri | Germania 22%, Popul-Republiko Chinia 12%, Italia 5%, Nederlando 4%, Usa 4% (2023) | |
| Publika financi [1] | ||
| Extera debo | 351,77 miliardi (2019) | |
| Revenuo totala (US$) | 234 980 milioni (2022) | |
| Spenso totala (US$) | 250 097 milioni (2022) | |
| Noto: Ecepte kande kontree mencionata, valori en ca tabelo esas en Usana dolari | ||
Polonia abandonis socialismo en 1989. Ol membreskis Europana Uniono ye la 1ma di mayo 2004, e nun ol havas la 6ma maxim granda ekonomio del grupo. Ante 2009 l'ekonomio kreskis mezavalore 5% omnayare, pro la kresko di privata konsumo. En 2009, Polonian ekonomio esis la sola del Europana Uniono qua ne deskreskis konseque de l'ekonomiala krizo di 2008, partale pro sua fiskala politiko ne esar tam rigida kam olta di altra landi, e partale pro ke la lando duris recevar financala stimuli por developo. L'ekonomi kreskis plua kam 3% omnayare de 2014 til 2017, partale pro guvernala spensi qui stimulis privata konsumo.
Chomeso divenis granda problemo pos la krulo di komunista rejimo en 1989. Dum la fino dil yari 1990a, chomeso falis til 10%, e pose kreskis dum la komenco dil 21ma yarcento, til atingar 20% en 2002. Pose ol komencis deskreskar. En 2015 ol esis min kam 8% ed atingis 3,2% en 2019. To rezultis manko di laboristi en multa arei[3]. En 2024 ol diminutis til 2,5%[1].
Agrokultivo employas plua kam 11% de la laboro-povo Poloniana, ma reprezentas nur 2,4% de la TNP. Farmeyi Poloniana produktas frumento, grani, olei, e proteinala repasti, ma la quanto ne esas sata por la tota habitantaro.
Til 2019, Polonian ekonomio developabis konstante dum 28 yari, rekordo en Europana Uniono. La TNP po persono kreskis mezavalore 6% po yaro dum 20 yari, la maxim alta kresko en central Europa.
Referi
[redaktar | redaktar fonto]- 1 2 3 4 Poland - The World Factbook - Publikigita da CIA. URL vidita ye 13ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Poland facing risk of labor force deficit in 2015 - Publikigita da MSP. URL vidita ye 13ma di junio 2025. Idiomo: Angla.