Ekonomio di Popul-Republiko Chinia
| Ekonomio di Popul-Republiko Chinia | ||
|---|---|---|
| Pekunio | Renminbi Yuan | |
| Internaciona organizuri | MOK, BRICS, APEC, G-20, ed altri | |
| Statistiki [1] | ||
| Totala nacionala produkturo (TNP) | US$ 31 230 000 milioni (2023) | |
| Rango TNP | 1ma[2] maxim granda | |
| Kresko di TNP | 5,25% (2023) | |
| TNP po persono | US$ 22 100,00 (2023) | |
| TNP segun sektoro | agrokultivo 7,1%, industrio 38,3%, servadi 54,6% (2023) | |
| Inflaciono | 0,2% (2024) | |
| Habitantaro sub la povreso-lineo | 0,0% (2020) | |
| Laboro-povo | 773 129 000 (2024) | |
| Laboro-povo segun okupo | agrokultivo 27,7%, industrio 28,8%, servadi 43,5% (2016) | |
| Chomeso | 4,6% (2024) | |
| Komercala parteneri [1] | ||
| Exportaci (US$) | 3 511 000 milioni (2023) | |
| Precipua parteneri | Usa 13%, Hong Kong 8%, Japonia 5%, Germania 5%, Sud-Korea 4% (2023) | |
| Importaci (US$) | 3 125 000 milioni (2023) | |
| Precipua parteneri | Sud-Korea 7%, Usa 7%, Japonia 6%, Australia 6%, Rusia 6% (2023) | |
| Publika financi [1] | ||
| Extera debo | 488 114 milioni (2023) | |
| Revenuo totala (US$) | 3 983 miliardi (2019) | |
| Spenso totala (US$) | 4 893 miliardi (2019) | |
| Noto: Ecepte kande kontree mencionata, valori en ca tabelo esas en Usana dolari | ||
Popul-Republiko Chinia nun esas la maxim granda ekonomio de la mondo. Ol adoptas granda industriala politiki e developas 5-yara projeti por lua kresko. De la yari 1970a til nun, la lando transformesis de socialista ekonomio centrale projetita, vers modelo grandaparte organizata segun reguli di libera merkato. La lando gradope adoptis reformi, e to rezultis augmento di produktiveso e di TNP, qua plua kam dekopleskis depos 1978. Nun, lua ekonomio esas la 2ma maxim granda de la mondo segun nominala valori, e l'unesma de la mondo segun equivalanta kapableso di kompro.
Nun, lua ekonomio konsistas ek entraprezi apartenanta a la Stato, entraprezi kun granda partopreno privata, ed anke domestika privata sektoro, qua kontributas kun cirkume 60% de la TNP. Lua industriala sektoro esas la maxim granda de la mondo, e la lando nun surnomizesas "la fabrikerio de la mondo" e la "manufakturala superpovo". Lua industriala produktado superiras la sumo di produktado di la sequanta 9 maxim granda industriala nacioni de la mondo. En 2020, la lando produktis plua kam 1053 milion tuni di stalo, plua kam la duimo de la tota produktado de la mondo. To reprezentis augmento di 5,6% en la produktado, kompare l'antea yaro. En 2018, la lando exportacis 66,9 milion tuni di stalo, la maxim granda exportacero mondala di stalo. Ol ank esas la maxim granda produktero di automobili de la mondo, kun plua kam 31,28 milion automobili produktita en 2024, de qui 5,86 milioni exportacesis. En 2006, la lando esis la 3ma maxim granda produktero di automobili (dop Usa e Japonia), ma 4 yari pose, en 2010, ol ja fabrikis plua kam la sumo di la tota automobili produktita en Usa e Japonia dum ta yaro. Lua industrii anke produktas ed exportacas treni, mikonduktili ed elektrocirkuiti, kompozanti por komputeri, telekomuniko-equipuri, kemiala dungi, industriizita nutrivi, edc.
La lando anke havas importanta jaceyi minerala. La maxim importanta ek li esas karbono, ma anke fero, bitumoza karbono, lignito, antracito, petrolo, nikelo, kromo, kobalto, e tale nomizita "rara elementi" qui uzesas en mikroelektroniko.
Chinian ekonomio kreskis rapide e forte dum recenta yari. Konseque, cirkume 200 milion rurani abandonis rurala regioni por habitar urbi. Altra konsequi de la rapida ekonomikala kresko esis augmento di atmosferala polutajo, erodo di suli ed altra ambientala problemi.
Referi
[redaktar | redaktar fonto]- ↑ China - The World Factbook - Publikigita da CIA. URL vidita ye 2ma di julio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison