Ekonomio di Porto-Riko
| Ekonomio di Porto-Riko | ||
|---|---|---|
| Pekunio | Usana dolaro | |
| Internaciona organizuri | Caricom (observanto), ITUC, hUPU | |
| Statistiki [1] | ||
| Totala nacionala produkturo (TNP) | US$ 137 828 milioni (2023) | |
| Rango TNP | 86ma[2] maxim granda | |
| Kresko di TNP | 0,56% (2023) | |
| TNP po persono | US$ 43 000,00 (2023) | |
| TNP segun sektoro | agrokultivo 0,7%, industrio 49,1%, servadi 50,6% (2023) | |
| Inflaciono | 1,8% (2017) | |
| Habitantaro sub la povreso-lineo | nekonocata | |
| Laboro-povo | 1 150 000 (2024) | |
| Laboro-povo segun okupo | agrokultivo 2,1%, industrio 19%, servadi 79% | |
| Chomeso | 5,5% (2024) | |
| Komercala parteneri [1] | ||
| Exportaci (US$) | 63 579 milioni (2023) | |
| Precipua parteneri | Italia 15%, Nederlando 15%, Belgia 9%, Japonia 8%, Germania 8%, Austria 8%, Hispania 7%, Popul-Republiko Chinia 5% (2019) | |
| Importaci (US$) | 56 359 milioni (2023) | |
| Precipua parteneri | Republiko Irlando 38%, Singapur 9%, Suisia 8%, Sud-Korea 5% (2019) | |
| Publika financi [1] | ||
| Extera debo | 56,82 miliardi (2010) | |
| Revenuo totala (US$) | 9 268 milioni (2017) | |
| Spenso totala (US$) | 9 974 milioni (2017) | |
| Noto: Ecepte kande kontree mencionata, valori en ca tabelo esas en Usana dolari | ||
Porto-Riko, ne-enkorpigita teritorio di Usa, havis un ek la maxim dinamika ekonomii inter Karibiana stati til 2006. Tamen, dum la lasta 19 yari, lua kresko diminutabas. La diminuto koincidis kun la fino di fiskal avantaji por Usan entraprezi qui instalesis en la teritorio, e kun mondal augmento di preci di petrolo, qua esas la precipua fonto di elektro por l'insulo. Malgre to, Porto-Riko duras havar la duesma maxim granda ekonomio de la regiono, dop Dominikana Republiko.
Industrio, nome medikamenti, stofi, petrokemial ed elektronikala produkturi superiris l'agrokultivo kom precipua ekonomial agado e fonto di revenui dil teritorio. Anke servadi - nome financi, asekuro, komerco di imobli e turismo ank esas importanta ekonomial agadi. On kalkulas ke la teritorio recevis plu kam 3,6 milion turisti en 2008.
Kompare Usana stati, Porto-Riko esas plu povra kam Mississippi, la maxim povra ek l'Usana stati. Tamen, kompare Latin-Amerika, Porto-Riko havas la maxim alta TNP po persono de la regiono. Porto-Riko havas moderna substrukturo e granda sektoro publika. Ol regulesas da federala agenterii Usana. Pro la diminuto di employi en la teritorio, multa Portorikani ekmigris vers la kontinento. En 2011, chomeso atingis 16% de la laboro-povo. En 2024 ol esis atingis nur 5,5% de la laboro-povo[1].
Referi
[redaktar | redaktar fonto]- 1 2 3 4 Puerto Rico - The World Factbook - Publikigita da CIA. URL vidita ye 30ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison