Ekonomio di Sri-Lanka

De Wikipedio
Salti al navigilo Salti al serĉilo
Ekonomio di Sri-Lanka
Pekunio Rupio di Sri-Lanka
Internaciona organismi MOK, SAFTA
Statistiki [1]
Totala nacionala produkturo (TNP) US$ 134.5 miliardi (2013)
Rango TNP 65ma[2] maxim granda
kresko dil TNP 6.3% (2013)
TNP per persono US$ 6 500 (2013)
TNP segun sektoro agrokultivo 10.6%, industrio 32.4%, servadi 57%
Inflaciono 4.7% (2013)
Habitantaro sub la povreso-lineo 8.9% (2010)
Laboro-povo 8 528 000 (2013)
Laboro-povo segun okupado agrokultivo 31.8%, industrio 25.8%, servadi 42.4% (jun. 2012)
Chomeso 5.1% (2013)
Komercala parteneri [1]
Exportacaji (US$) 10.39 miliardi (2013)
Exportacajo - precipua produkturi stofi e vestaro; teo e pipro; diamanti, smeraldi, rubino; kokoso e lua produkti, produkti di gumo, fishi
Precipua parteneri Usa 20.4%, Unionita Rejio 9.9%, India 5.8%, Italia 4.7%, Belgia 4.3%, Germania 4.3% (2012)
Importacaji (US$) 18 miliardi (2013)
Importacajo - precipua produkturi stofi, minerali, petrolo, nutrivi, mashinifado ed equipuri por transporto
Precipua parteneri India 22.7%, Singapur 8.8%, Unionita Araba Emirii 7.7%, Populala Republiko di Chinia 7%, Iran 6.1%, Malaizia 4.5% (2012)
Publika financi [1]
Extera debo 33.67 miliardi (2013)
Revenuo totala (US$) 8.43 miliardi (2013)
Spenso totala (US$) 12.57 miliardi (2013)
Noto: Ecepte kande kontree mencionata, valori en ca tabelo esas en Usana dolari

L'ekonomio di Sri-Lanka subisis l'efekti de la longa interna milito qua duris de 1983 til 2009. Tamen, l'ekonomio kreskis preske 5% omnayare dum la lasta 10 yari.[1] La skopo di lua guvernerio esas rikonstruktar en granda skalo l'ekonomio e developar regioni afektita da la milito, ed anke developar mikra e meza entraprezi.[1]

La lando komencis abandonar socialist orientalizeso en 1977. Depos ta yaro, la lando komencis privatigar, desregular ed apertar l'ekonomio ad extera konkurenco. Sri-Lanka havas alta indexo pri homala developeso, e 90,1% de lua habitantaro savas lektar e skribar. To rezultis de universala eduko e bona sistemo di sanesoflego. La lando havas 555 publika hospitali.

La granda komercala deficito restas koncerne, tamen la pekunio sendita da Sri-Lankani qui vivas exterlande helpas kompensar la komercala deficito.[1] Guvernala debo reprezentas 80% de la TNP, ed esas un ek la maxim alta del emersanta ekonomii.[1]

Referi[redaktar | redaktar fonto]