Epirus (historiala regiono)
Epirus esas geografiala e historiala regiono en sud-estal Europa, nun partigata inter Grekia ed Albania. La tradicionala limiti di Epirus esis monti Pindus este, Ioniana maro weste, Akrocerauniana monti norde, e gulfo Amvrakikos sude.
Dum klasika Antiqueso, ca montoza regiono esis la nord-westala porciono di Antiqua Grekia. Ibe jacis santuario Dodona, e la duesma maxim prestijoza oraklo Greka, dop l'oraklo di Delfi. Epirus divenis famoza dum la regno di Pirrhus, qua luktis kontre Romana republiko en serio di kampanii. En 146 aK, Epirus e la cetera Grekia divenis parto de Romana republiko e sequante de Romana imperio e de Estala Romana imperio.
Pos la spoliado di Konstantinoplo en 1204, la regiono divenis princio qua itere enkorpigesis a Bizancana imperio dum la 14ma yarcento. En 1479 la regiono konquestesis da Otomani.