Erika Lust
| Erika Lust | ||
 | ||
| Profesiono: | rejiserino, scenaristino, pornografiala produktistino, skriptistino | |
| Lando: |  Suedia | |
| Naskodato: | 5 di aprilo 1977 | |
| Nasko-loko: | Stockholm, Suedia | |
| Retoloko: | http://erikalust.com | |
Erika Hallqvist, konocata kom Erika Lust, naskinta en 1977 en Stockholm, Suedia, esas Sueda rejiserino, scenaristino, pornografiala produktistino e skriptistino. El esas un ek la pionirini di la feminista pornografio. Elua filmi distingesas per etikala produkto-proceso e vizas prizentar la sexualeso de femina vidpunto.
Kariero
[redaktar | redaktar fonto]Erika Lust studiis politikala cienci en la universitato di Lund (Suedia), ube el specaligis su pri homala yuri e feminismo. El recevis sua BA-diplomo en 1999. Dum sua studii el lektis la libro Hard Core: Power, Pleasure, and the "Frenzy of the Visible" da Linda Williams, qua forte influis elua cinematografala viziono. Pos diplomo el translojis a Barcelona, Hispania, en 2000 e komencis studiar filmifado.
Elua unesma erotika filmo, la kurta The Good Girl, publikigesis en 2004 sub licenco Creative Commons e rapide difuzesis tra interreto. La filmo premiizesis per la Premio Ninfa che la Internaciona Erotika Film-festivalo di Barcelona en 2005.
En 2005 el fondis sua propra produktado-kompanio, Lust Films, specaligita pri pornografio kun femina e feminista perspektivo. Pose, en 2010, el lansis la retala cinemo Lust Cinema, ube el prizentas sua propra verki e ti di altra rejiseri qui laboras en explicita filmo.
En 2013 el komencis la projeto XConfessions, qua divenis un ek elua maxim importanta labori: spektanti povas anonime sendar sexuala konfesi, ed omnamonate Lust selektas du naraci por adaptar li a kurta filmi. Ica serio recevis plura premii, inkluzite la Feminist Porn Award por Maxim Varma Heterosexuala Vinyeto en 2014 e 2015.
En 2017 el e sua spozulo Pablo Dobner kreis la reto-pagino The Porn Conversation (La Pornografiala Konversado), skribita por helpar gepatri parolar pri pornografio kun sua infanti e adolecanti per ciencala informo.
En 2019 el inkluzesis en la listo di la 100 Mulieri di BBC.
Feminista pornografio e labor-etiko
[redaktar | redaktar fonto]Lust propozas pornografiala universo precipue dedikita a mulieri, koncentrante la scenari e la imaji a la femina plezuro. La korpi surscenigita esas diversa ed iras kelkafoye kontre la fizikala ideali qui on ritrovas en la konvencionala pornografio.
Elua labor-etiko expresas su precipue per la refuzo engajar aktorini ed aktori qui evas min kam 23 yari. Elua laboro-ekipo konsistas ek majoritato de mulieri, inkluzite por la posteni di teknikala realigo e ti qui postulas decidiganta ed artala roli, inversa al dominacanta maskula vidpunto en la kustumala pornografio. El kurajigas la uzo di prezervativo segun la komforto di la geaktori e suportas la praktiko di sana e sekura sexualeso.
Filmi
[redaktar | redaktar fonto]Longa filmi
[redaktar | redaktar fonto]- 2007 : Five Hot Stories For Her
- 2008 : 'Barcelona Sex Project
- 2010 : Life Love Lust
- 2011 : Room 33
- 2011 : Cabaret Desire
Kurta filmi
[redaktar | redaktar fonto]- 2004 : Angla The Good Girl
- 2009 : Lang|en|Handcuffs
- 2010 : Love Me Like You Hate Me
XConfessions (selekto)
[redaktar | redaktar fonto]Multa kurta filmi publikigesis en la kadro di la serio XConfessions. Exemple:
- 2013–nun : diversa epizodi, inter qui The Art of Spanking, An Appointment with My Master, Don't Call Me a Dick, e.c.
Personala vivo
[redaktar | redaktar fonto]Erika Lust mariajis kun Pablo Dobner, qua esas la kunfondinto e CEO di Lust Films. La paro havas du filiini e rezidas en Barcelona, Hispania.
Honori e premii (selekto)
[redaktar | redaktar fonto]- 2005 : Premio Ninfa – Unesma Premio por Kurta X-Filmo – The Good Girl
- 2007 : Premio Ninfa – Maxim Bona Hispana Cenaro – Five Hot Stories for Her
- 2008 : Feminist Porn Award – Filmo dil Yaro – Five Hot Stories for Her
- 2012 : Feminist Porn Award – Filmo dil Yaro – Cabaret Desire
- 2014 : Feminist Porn Award – Maxim Varma Heterosexuala Vinyeto – XConfessions vol. 1
- 2015 : Feminist Porn Award – Maxim Varma Heterosexuala Vinyeto – XConfessions vol. 2
- 2019 : BBC 100 Women
- 2020 : XBIZ Europa Award – Maxim Bona Aktorado – Lena Anderson en The Intern (Lust Cinema)
- Plura altra premii e mencionii, inkluzite CineKink Awards, Venus Awards e Orgazmik Awards.
Libri
[redaktar | redaktar fonto]- 2008 : Porno para mujeres (en la Hispana)
- 2009 : X: a Woman's Guide to Good Porn (en la Angla; editita en 2009 da Seal Press)
- 2010 : Erotic Bible to Europe
- 2010 : Love Me Like You Hate Me (kun Venus O'Hara)
- 2011 : Shooting Sex: How to Make an Outstanding Sex Movie with Your Partner
- 2011 : Six Female Voices (kun Antia Pagant)
- 2013 : La Canción de Nora
- 2013 : Let's Make a Porno
Extera ligili
[redaktar | redaktar fonto]
