Europana Komisitaro

De Wikipedio
(Ridirektita de Europana Komiso)
Irez ad: pilotado, serchez

L' Europana Komisitaro esas l'exekutiva organo di Europana Uniono. Ol propozas legi, exekutas decidi, mantenas la traktati dil Uniono e garantias la diala funcionado di EU.

La komisitaro agas kom ministraro e konsistas ek 28 membri, neformale konocata kom "komisiti". Esas un membro por singla membra stato, quankam la membri mustas reprezentar ne nur la interesti di sua hemala sato ma anke olti di EU kom totajo. Un del 28 membri esas la Prezidanto dil Komisitaro, propozata dal Europana Konsilantaro ed elektata dal Europana Parlamento. La konsilantaro pose komisas l'altra 27 membri di la komisitaro en konkordo kun la prezidanto, e pose la 28 membri kom una organo submisas su a voto di aprobo dal Europana Parlamento. Portugalano José Manuel Durão Barroso asumis l'ofico di prezidanto dil komisitaro en 2004.

La termino "komisitaro" esas uzata sive streta-sence, inkluzanta nur la mencionita 28 membri, sive larja-sence, inkluzanta l'administrala organo ek cirkume 23.000 Europana funcioneri, dividita en plura faki. Ordinara procedurala lingui di la komisitaro esas la Angla, Franca e Germana. La membri di la komisitaro e lua komitano sidas en l'edifico Berlaymont en Bruxel.