Fernando de Noronha

De Wikipedio
Irez ad: pilotado, serchez
Plajo Sancho, en Fernando de Noronha (adcentre la imajo) kun la rokoza insuleti Dois Irmãos ("du frati").

Fernando de Noronha esas arkipelago en Atlantiko qua apartenas a Brazilia e kompozesas per 26 insuli. Ol jacas ye 3º51' Sude e 32º25' Weste, 354 km este de Braziliana litoro, 360 km este de Natal e 545 km nord-este de Recife.

L'arkipelago konsideresas parto de la stato Pernambuco. Lua precipua insulo anke nomizas Fernando de Noronha, e havas entote 18,4 km² e 3.012 habitanti segun la demografiala kontado 2010. L'altra insuli (Rata, Ilha do Meio, Sela Gineta, Rasa) ne havas habitanti. La nacionala parko nomizita Parque Nacional Marinho de Fernando de Noronha prezervas granda parto di lua teritorio de la homala okupado e protektas endemika speci. Proxim l'arkipelago on povas vidar delfini, sharki, tortugi qui ovifas en l'arkipelago, e fishi qui vivas en koralii.

Plajo Conceição, kun Morro do Pico, la maxim alta monto del arkipelago.

Lua klimato esas tropikala kun du sezoni: la pluvoza iras de marto til septembro dum ke l'altra monati dil yaro esas preske komplete sika.[1] Lua maxim alta monto esas Morro do Pico, kun 321 metri di altitudo.

Turismo esas la precipua ekonomial agado del insulo. Granda nombro di turisti vizitas lua neta plaji kun klara aqui ube on povas vidar fishi. L'insulo esas paradizo por la por sportisti qui deziras plunjar en lua aqui - la maro esas klare videbla til 30 o 40 metri sub la surfaco - o navigar sur ond-agiteso. Granda parto di lua habitantaro verkas en od esas proprietanti di hoteleti o restoreyi, o verkas kom guid-dukteri por turisti. Nur existas un unika filialo di banko en l'arkipelago.

Referi[redaktar | redaktar fonto]