Fernando de Noronha

De Wikipedio
Irez ad: pilotado, serchez
Plajo Sancho, en Fernando de Noronha (adcentre la imajo) kun la rokoza insuleti Dois Irmãos ("du frati").
Insuli dil arkipelago Fernando de Noronha.

Fernando de Noronha esas arkipelago en Atlantiko qua apartenas a Brazilia e konsistas ek 26 insuli. Ol jacas ye la latitudo 3º51' Sude e longitudo 32º25' Weste, e distas 354 km este de Braziliana litoro, 360 km de Natal e 545 km nord-este de Recife.

Deskovrita dal Portugalani posible en 1502, nune l'arkipelago konsideresas parto del stato Pernambuco. Lua precipua insulo anke nomizesas Fernando de Noronha, e havas entote 18,4 km² e 3.012 habitanti segun la demografiala kontado 2010. L'oceanala aqui vicina ol havas richa biodiverseso, kun multa speci di fishi e koralii nune protektata en la Nacionala Marala Parko di Fernando de Noronha.

Geografio[redaktar | redaktar fonto]

Plajo Conceição, kun Morro do Pico, la maxim alta monto del arkipelago.
Topografiala mapo di Fernando de Noronha.

L'arkipelago konsistas ek 26 insuli ed insuleti, e havas volkanal origino. La precipua insulo, anke nomizita Fernando de Noronha, okupas 91% ek la surfaco totala. L'altra insuli (Rata, Ilha do Meio, Sela Gineta, Rasa) ne havas habitanti. La nacionala parko nomizita Parque Nacional Marinho de Fernando de Noronha prezervas granda parto di lua teritorio de la homala okupado e protektas endemika speci. Proxim l'arkipelago on povas vidar delfini, sharki, tortugi qui ovifas en l'arkipelago, granda fishi e fisheti qui vivas meze la koralii.

La klimato dil insuli esas tropikala (As' segun la klimatala klasifikuro di Köppen) kun du sezoni, e mezavalora yarala temperaturo di 26°C. La pluvoza sezono iras de februaro til julio, esante aprilo la maxim pluvoza monato (290 mm). La humideso esas alta dum la yaro, e varias de 70% til 90%.[1] Lua maxim alta monto esas Morro do Pico, kun 321 metri di altitudo. Ne existas importanta fluvii o mem riveri.

Kanoni antee uzita en la defenso dil insulo avan la Palaco São Miguel.
L'arkipelago konsideresas ecelanta loko por plunjado.

Turismo esas la precipua ekonomial agado del insulo. Granda nombro di turisti vizitas lua neta plaji kun klara aqui ube on povas vidar fishi. L'insulo esas paradizo por la por sportisti qui deziras plunjar en lua aqui - la maro esas klare videbla til 30 o 40 metri sub la surfaco - o navigar sur ond-agiteso. L'aeroportuo dil insulo inauguresis en septembro 1942 dum la duesma mondomilito, e havas diala flugi a Recife e Natal.

Granda parto di lua habitantaro verkas en od esas proprietanti di hoteleti o restoreyi, o verkas kom guid-dukteri por turisti. Existas nur un bankeyo en l'arkipelago.

Referi[redaktar | redaktar fonto]