Flago dil Unionita Nacioni
La flago dil Unionita Nacioni esas standarda flago adoptita dal General Asemblo dil Unionita Nacioni (UN) ye la 20ma di oktobro 1947.
La flago uzas lo blua e lo blanka, qui esas la du oficala kolori dil Unionita Nacioni. La centrala desegnuro reprezentas mondomapo centrizita ye la Norda polo; lu cirkondesas da du olivierobranchi kom simbolo di paco.