Framo (automobilo)

De Wikipedio

L'oficala defino di (automobilo-)framo esas: kompleta rulanta sub-parto di vehilo, sen irga konstrukturo. To signifikas ke la framo anke kontenas omna propulsant elementi, quale la motoro, la kateno di movo e la fueluyo, yen ke plu kustumala termino esas "rulanta framo".

En la frua epoko dil automobilo esis kustumala ke on kompris framo, quo esis la marko, e ke l'automobilo provizesis da karosiferio de karoso. Che omnnibusi to ankore esas facata. On povas ya vehar per framo. Exemplo esas la framo quale livresas da kamioniferii ad omnibusifisti. Kamioni ofte livresas en formo di framo kun kabino, tale ol povas esar provizata, da la kompranto, de konstrukturo segun propra deziri o postuli. Anke furgoni esas livrebla en ca formo.

Plu kustumala defino, qua plu multe konkordas la framo, esas:

La framo esas la portanta parto di motorizita veturo, sur qua muntesas la kateno di movo, suspendilo e karoso. Ol esas quaze la spino di motoro-veturo.

La framo di kamiono kustumale esas du trabi, paralele pozita, qui interligesas per traversa kuplili. Ca sorto nomesas skal-framo e precipue aplikesas a kamioni e teren-vehili. La framo generale esas de stalo, ube on aplikas profili U-forma de stalo.