Fuelo

De Wikipedio
Irez ad: pilotado, serchez
Nukleara reakto, en qua uranio esas uzata kom nukleara fuelo.

Fuelo o kombusteblajo esas irga materio qua konservas energio extraktebla en kontrolata maniero. Ordinare ta energio libereskas kande la materio brulas ed eventas lua oxidigo, lua reakto kun oxo dil aero. Altra procedi por konvertar fueli ad energio inkluzas diversa exotermala kemiala reakti e nukleara reakti, quale fisiono o fuzado.

Extraktado di petrolo, un del precipua fonti di fueli en la mondo.

Fosila fueli[redaktar | edit source]

Fosila fueli, quale terokarbono e petrolo, konsistas ek fosila restaji di animali e planti expozita ad alta preso e kaloro dum milioni de yari en absenteso di oxo. Ordinare on extraktas oli de subtero.

Biofueli[redaktar | edit source]

Biofuelo esas fuelo obtenata de rinovigebla fonti (biomaso), quale planti od animali. La maxim anciena fonto di biofuelo nun uzata esas ligno, ed on supozas ke homi ja uzis ol por produktar fairo cirkume 1,5 milion yari ante nun.

Nune alkoholo pleas importanta rolo kom fuelo por vehili en Brazilia.