Glaukos (filiulo di Sisifos)

Glaukos en Greka mitologio esis rejulo di Korintos, filiulo di Sisifos e pleyado Merope.

Il kun sua spozino Eurinome (filiino di Nisos ed Abrote) havis nula filii, quo esis decido di Zeus pro iraco di Afrodite. Eurinome naskis filiulo Bellerofon, qua patro esis Poseidon. Do Glaukos havis la mi-filiulo – famoza posedanto di Pegasos e mortiginto di Himaira. Tamen en Ilias Homeros konsideris il kom la patro.

Il esis bonega kavalkero. Suciinte sua kavalini il ne lasadis kopulacar kavaluli kun li, quo iracigis Afrodite. Fine la deino punisis il dum funerala ludi honore di Pelias. Dum konkurenco ilua charo renversis, e Glaukos manjesis da sua kavalini.