Granda Migro di Afrikan-Usani

Procenti de Afrikan-Usani vivant en la sudo di Usa

La Granda Migro di Afrikan-Usani, plu kurte la Granda Migro (en l'Angla: Great Migration) esis migro di Afrikan-Usani de la ruro di la sudala stati a la nordala stati, Meza Westo e Westala Unionita Stati inter 1916-1970, pro rasala segrego en la sudo (legi di Jim Crow, l'augmentanta rasismo en la sudo samatempe kun violenteso e linchi pro idei di blanka superioreso. Ultre to, indijo de laboristi en la nordo luris multa Afrikan-Usani a la nordo, dum l'unesma mondomilito. La Granda Migro duktis a la kulturala florifo di la Renesanco di Harlem.

On distingas l'unesma migro (1916-1930) de 1,6 milion homi a nordala industriizita urbi e duesma migro inter 1940-1970 de ck. 5 milion homi vers la nordo e westo. De 1965 anke eventis inversa migro, la Nova Granda Migro.

Ante 1910 plu kam 90% del Afrikan-Usani vivis en la sudo ed 80% sur la ruro. Pos la duesma migro la duimo vivis en la nordo e westo ed en 1970 plu kam 80% vivis en urbi.