Guinness Mondala Rekordi

Suresh Joachim che Shoppers World butikaro en Brampton, rekordo di repaso en 2005

Guinness Mondala Rekordi (pronuncez: gines), olime Libro di Guinness pri Rekordi, (en l'Angla: The Guinness Book of Records; en olima Usan edituri: The Guinness Book of World Records) esas yarale editata libro di e pri internacione agnoskita rekordi, tam pri homal agi kam natur-extremaji. La libro aparas singla yaro en septembro.

L'unesma libro editesis en 1955, da biriferio Guinness (Dublin, Irlando), por donar respondi pri qua rapt-ucelo esas la maxim rapida. La respondi trovesis da kontoro por exploro di Ross McWhirter e Norris McWhirter en London. McWhirter dum longa tempo editis la libro, qua quik pos l'unesma edituro esis granda suceso.